NATO-ს გენერალური მდივანი, იენს სტოლტენბერგი აცხადებს, რომ რუსეთის განცხადება ფრთხილი ოპტიმიზმის საფუძველს იძლევა, თუმცა ჯერჯერობთ დეესკალაციის რაიმე ნიშანი არ შეინიშნება.

"სიგნალებია მოსკოვიდან, რომ დიპლომატია უნდა გაგრძელდეს. ეს იძლევა ფრთხილი ოპტიმიზმის საფუძველს, თუმცა რუსეთის მხრიდან ადგილზე ჯერჯერობით დეესკალაციის რაიმე ნიშანი არ გვინახავს", — განაცხადა იენს სტოლტენბერგმა.

რუსეთის თავდაცვის სამინისტრომ დღეს, 15 თებერვალს განაცხადა, რომ უკრაინის საზღვართან მყოფი ჯარები წვრთნების დასრულების შემდეგ მუდმივი განლაგების პუნქტებს უბრუნდებიან. სამინისტროს ოფიციალური წარმომადგენლის, გენერალ-მაიორ იგორ კონაშენკოვის თქმით, სამხრეთ და დასავლეთის სამხედრო ოლქების ზოგიერთმა ქვედანაყოფმა დაასრულა წვრთნები და ბაზაზე დაბრუნება უკვე დაიწყო.