ვოლოდიმირ ზელენსკიმ ვლადიმერ პუტინის ირონიულ გამოთქმას უპასუხა და განაცხადა, რომ ნაწილობრივ რუსეთის პრეზიდენტი მართალია, რადგან უკრაინა ნამდვილად ლამაზია. მანვე აღნიშნა, რომ პუტინის ციტატაში სიტყვა "ჩემო" ზედმეტია. ზელენსკი გამოეხმაურა ციტატის იმ ნაწილსაც, სადაც "ატანაზეა" საუბარი და თქვა, რომ მოთმინება უკრაინას საკმარისი აქვს, რადგან ეს სიბრძნეა და ასე ირიდებენ პროვოკაციებს.

"ამას რუსულად ვუპასუხებ, რომ აფორიზმის ავტორმა [პუტინმა] გაიგოს ჩემი პასუხი. აშკარად არსებობს საკითხები, რომლებზეც რუსეთის პრეზიდენტს ვერ შეედავები — უკრაინა ნამდვილად ლამაზია.

რაც შეეხება სიტყვა "ჩემს", რომელსაც ის ამბობს, ეს უკვე ზედმეტია... ხოლო, რაც შეეხება, "მოითმინე, ჩემო ლამაზოს", მე ვფიქრობ, რომ უკრაინა ძალიან მომთმენია, რადგან ეს სიბრძნეა, რადგან ეს ძალიან მნიშვნელოვანია უკრაინის და დანარჩენი ევროპისთვის, ასევე, რუსეთისვის. იმიტომ, რომ მეორე მხრიდან ესკალაცია ჩვენს მოთმინებაზე დამოკიდებული. ჩვენ ვიცავთ ჩვენს ქვეყანას და ვართ ჩვენს ტერიტორიაზე.

ჩვენი მოთმინება გავლენას ახდენს პროვოკაციებზე, როდესაც ჩვენ არ ვპასუხობთ პროვოკაციებს, არამედ ვიქცევით ძალიან ღირსეულად. ამიტომ მოთმინება სიბრძნეა", — განაცხადა მან პუტინის პასუხად.

გუშინ, 7 თებერვალს მოსკოვში საფრანგეთისა და რუსეთის პრეზიდენტების შეხევდრის შემდეგ, პუტინმა არაერთხელ დაადანაშაულა კიევი მინსკის შეთანხმების უგულებელყოფაში და ამტკიცებდა, თითქოს ახალმა ხელისუფლებამ აიღო კურსი ამ შეთანხმების "დემონტაჟზე".

"მოგწონს, არ მოგწონს, მოითმინე, ჩემო ლამაზო" — ასე მიმართა მან ვოლოდიმირ ზელენსკის მინსკის შეთანხმებაზე საუბრისას. ეს გამოთქმა, რომელიც, სავარაუდოდ, რუსული შაირიდანაა და იძულებას გულისხმობს, პუტინმა ირონიულ კონტექსტში გამოიყენა.