ისლამური რევოლუციის გუშაგთა კორპუსის (IRGC) სადაზვერვო ქვედანაყოფმა ირანელები გააფრთხილა, არ გავიდნენ ქუჩებში საპროტესტო აქციებზე, ირანიდან მიღებული ორი შეტყობინების სკრინშოთებზე დაყრდნობით იუწყება BBC.

შეტყობინებებში ნებისმიერი მომავალი პროტესტი აღწერილია, როგორც "მტრის მიერ დაგეგმილი ქუჩის არეულობა". ასევე, მათში ნათქვამია, რომ "ნებისმიერი ქმედება, რომელიც არღვევს უსაფრთხოებას, განიხილება მტერთან პირდაპირი თანამშრომლობის მაგალითად". სხვა ტექსტურ შეტყობინებაში IRGC მოქალაქეებს სთხოვს, "ანტისახელმწიფოებრივი" ინციდენტების შესახებ მათ შესაბამის ნომერზე დარეკვით აცნობონ.

აიათოლა ალი ხამენეის სიკვდილის შემდეგ, BBC-მ რამდენიმე ქალაქიდან მიღებული ვიდეომასალა გადაამოწმა და დაადასტურა, რომ ქუჩებში შეკრებილი ადამიანები ამ მოვლენას ზეიმობენ. ამავდროულად, ირანული მედიასაშუალებები იტყობინებიან მგლოვიარეთა ჯგუფების შესახებ თეირანსა და სხვა ქალაქებში.

ასევე ნახეთ: ხამენეის ჭირისუფლები მსოფლიოს გარშემო — ფოტოები

ირანის მოსახლეობის უმრავლესობისთვის ინტერნეტი კვლავ გათიშულია, რის გამოც ქვეყნის შიგნით მიმდინარე მოვლენებზე სრული სურათის შექმნა ძალიან რთულია, თუმცა, ზოგიერთი ახერხებს კავშირის დამყარებას ისეთი მეთოდებით, როგორიცაა თანამგზავრული ინტერნეტ სერვისი Starlink-ი.