თბილისისა და ბათუმის საერთაშორისო აეროპორტებიდან ახლო აღმოსავლეთის მიმართულებით ფრენები დღეს, 2 მარტსაც გაუქმდა. ამის შესახებ ინფორმაციას BPN ავრცელებს.

მათი ინფორმაციით, სულ 8 რეისია გაუქმებული.

თბილისის აეროპორტიდან 2 მარტს, აღარ შესრულდება დუბაის 1 და თელ-ავივის 4 რეისი, ხოლო ბათუმის აეროპორტიდან — 3 ფრენა თელ-ავივის მიმართულებით.

"ამ შემთხვევაში თადარიგი წინასწარ იყო დაჭერილი და გასული დღეებისგან განსხვავებით, აღარ იყო დაგეგმილი იმდენი რეისი", — აცხადებენ აეროპორტების ადმინისტრაციაში.

შეგახსენებთ, 28 თებერვალს ისრაელმა და ამერიკის შეერთებულმა შტატებმა ირანის სხვადასხვა ობიექტზე კოორდინირებული ერთობლივი იერიში მიიტანეს. ოპერაციას ისრაელის მხრიდან "ლომის ღრიალი", ხოლო აშშ-ის თავდაცვის დეპარტამენტის მიერ — "ეპიკური მრისხანება" ეწოდა. დონალდ ტრამპმა ისლამური რესპუბლიკის ბირთვული პროგრამის განადგურების განზრახვის შესახებ გამოაცხადა. თავდასხმის სამიზნეს მაღალჩინოსნები, სამხედრო მეთაურები და სტრატეგიული ობიექტები წარმოადგენდნენ. იერიშები მიზნად რეჟიმის შეცვლას ისახავს. იერიშის შედეგად მოკლულია ირანის უმაღლესი ლიდერი აიათოლა ალი ხამენეი.