ისრაელისა და ამერიკის მიერ ირანზე განხორციელებული დარტყმების შემდეგ, გერმანიამ, საფრანგეთმა და გაერთიანებულმა სამეფომ ერთობლივ განცხადებაში თეირანის მთავრობის საპასუხო თავდასხმები გააკრიტიკეს. ინფორმაციას გერმანული მედია ავრცელებს.

"ჩვენ მკაცრად ვგმობთ ირანის თავდასხმებს რეგიონის ქვეყნებზე. ირანმა უნდა შეწყვიტოს თავისი თვითნებური სამხედრო დარტყმები", — ნათქვამია ერთობლივ განცხადებაში, რომელსაც ხელს აწერენ გერმანიის კანცლერი ფრიდრიხ მერცი, საფრანგეთის პრეზიდენტი ემანუელ მაკრონი და ბრიტანეთის პრემიერმინისტრი კირ სტარმერი.

ევროპელი ლიდერები მახრეებს მოლაპარაკებების განახლებისკენ, ხოლო ირანის ხელმძღვანლობას მოლაპარაკებების გზით ძებნისკენ მოუწოდებენ.

"ჩვენ მხარეებს მოვუწოდებთ მოლაპარაკებების განახლებისკენ და ირანის ხელმძღვანელობას,მოვუწოდებთ ეძიოს გამოსავალი მოლაპარაკებების გზით", —წერია განცხადებაში.

განცხადებაში ასევე აღნიშნულია, რომ საბოლოო ჯამში, ირანელ ხალხს უნდა მიეცეს საკუთარი მომავლის განსაზღვრის შესაძლებლობა. საერთო განცხადებაში წერია ისიც, რომ აღნიშნული ქვეყნები მჭიდრო კონტაქტში რჩებიან საერთაშორისო პარტნიორებთან, მათ შორის შეერთებულ შტატებთან, ისრაელთან რეგიონის სხვა პარტნიორებთან.

"ჩვენ არ ვიყავით ჩართული სამხედრო დარტყმებში, თუმცა მჭიდრო კონტაქტში ვრჩებით ჩვენს საერთაშორისო პარტნიორებთან, მათ შორის შეერთებულ შტატებთან, ისრაელთან და რეგიონის სხვა პარტნიორებთან", — აღნიშნულია განცხადებაში.