ახლახან ცნობილი გახდა, რომ ნიშნობიდან 2 წლის შემდეგ, ზენდეია და ტომ ჰოლანდი ჩუმად დაქორწინდნენ.

სიახლე Actor Award-ზე ზენდეიას სტილისტმა, ლა როუჩმა, გვამცნო. "ქორწილი უკვე იყო, უბრალოდ თქვენ გამოგრჩათ", — განუცხადა როუჩმა Access Hollywood-ის რეპორტიორს.

ამ კომენტარზე ჯერ ზენდეიასა და ტომ ჰოლანს არ უპასუხიათ. წყვილი ერთმანეთს Spider-man-ის გადაღებაზე, 2016 წელს შეხვდა, ხოლო ურთიერთობა 2021 წელს გაასაჯაროვა. როგორც ცნობილია, მათი ნიშნობის ამბავი მას შემდეგ გავრცელდა, რაც გასულ წელს ზენდეია ოქროს გლობუსის დაჯილდოების ცერემონიაზე ნიშნობის ბეჭდით გამოჩნდა. მოგვიანებით, ინფორმაცია თავად ჰოლანდმა დაადასტურა, როცა მან ზენდეიას საცოლე უწოდა.

აღსანიშნავია, რომ წყვილი იშვიათად საუბრობს მათ ურთიერთობასა და პირად ცხოვრებაზე, თუმცა ხშირად აღნიშნავს, რაოდენ სასიამოვნოა ერთმანეთთან თანამშრომლობა.

ფოტო: Getty Images

"იდეალური რამაა, როცა გადასაღებ მოედანზე ხარ, რეჟისორი გაძლევს შენიშვნას, რომელსაც შეიძლება არ ეთანხმები ან იცი, რომ ზენდეიას განსაკუთრებულად არ მოეწონება. ჩვენთვის უბრალოდ მზერაც საკმარისია, თითქოს, თვალებით ვანიშნებთ ერთმანეთს, რომ ამაზე მოგვიანებით ვისაუბრებთ", — თქვა ჰოლანდმა ინტერვიუში 2024 წელს.

ზენდეიას თქმით, მას ძალიან უყვარს ჰოლანდთან თანამშრომლობა. "მიყვარს მასთან მუშაობა. ის ძალიან ნიჭიერია და გატაცებულია იმით, რასაც აკეთებს. ტომი ყოველთვის ათასი პროცენტით აკეთებს ყველა საქმეს, მაშინაც კი, როცა დაღლილია. მე ნამდვილად ვაფასებ ამას მასში", — თქვა ზენდეიამ გასულ წელს Variety-სთან ინტერვიუში.

ფოტო: Getty Images

რაც შეეხება მათ სამსახიობო კარიერას, წყვილს Spider-Man: Brand New Day-ში 2026 წლის 31 ივლისს ვიხილავთ, ხოლო მანამდე ზენდეიასა და ტომ ჰოლანდის ნახვას კრისტოფერ ნოლანის ახალ მძაფრსიუჟეტიან ეპიკურ ფილმში, ოდისეაში, შევძლებთ, რომლის პრემიერის თარიღი ამა წლის 17 ივლისია.