NEWS.On.ge-ში ვაცხადებთ სტაჟირების სამთვიან პროგრამას პოლიტიკითა და სოციალური საკითხებით დაინტერესებული ახალგაზრდებისთვის, 18 წლიდან.

გამოგვეხმაურე, თუ:

  • გაინტერესებს ახალი ამბები, პოლიტიკა, სოციალური საკითხები, ეკონომიკა ან საერთაშორისო ურთიერთობები;
  • გინდა, მუდმივად იყო საქმის კურსში და ყოველდღე საინტერესო ამბები აღმოაჩინო;
  • გეჩქარება, რომ ახალი ამბავი სხვასაც გაუზიარო;
  • მოგწონს მოვლენების ანალიზი და ამისთვის მეტი უნარის შეძენა გინდა;
  • პოლიტიკური საკითხები და მათი განხილვა შენი ყოველდღიურობის ნაწილია;
  • იცი ინგლისური ენა და შეგიძლია უცხოენოვანი წყაროებიდან ინფორმაციის მოძიება და თარგმნა.

გასწავლით ყველაფერს, რაც ახალი ამბების, პოლიტიკის, სოციალური საკითხების მიმართულებით მომუშავე ჟურნალისტმა უნდა იცოდეს.

ასევე ისწავლი, როგორ მუშაობს ონლაინ მედია სხვადასხვა პლატფორმის გამოყენებით, ვებგვერდზე თუ სოციალურ ქსელებში მულტიმედია კონტენტის შესაქმნელად. გამოცდი თავს, როგორც ახალ ამბებზე, ასევე სხვადასხვა ჟურნალისტურ ფორმატებზე მუშაობისას. გექნება საშუალება, შეიძინო ახალი პროფესია და ჩვენი გუნდის წევრი გახდე.

როგორ შევუერთდე?

თუ ჩვენთან სტაჟირების გავლა გინდა, 15 მარტამდე შეავსე განაცხადი ამ ბმულზე და ჩვენს გამოხმაურებას დაელოდე. დავუკავშირდებით მხოლოდ შერჩევის მეორე ეტაპზე გადასულ კანდიდატებს, რომლებსაც გასაუბრება ჩაუტარდებათ, საბოლოოდ კი ჩვენგან საცდელ დავალებას მიიღებენ.

თუ დამატებითი კითხვები გაქვს, მოგვწერე ამ მეილზე: [email protected]