ლიტერატურული კონკურსი თავისუფალი ლიტერა დასრულდა. კონკურსის დასკვნითი ღონისძიება 5 თებერვალს გაიმართა და ის ფორმულას პირდაპირი ეთერით გადაიცემოდა. ჟიურიმ გამარჯვებულები ექვს ნომინაციაში დაასახელა. ამასთან, სპეციალური პრიზი დააწესა ილიას სახელმწიფო უნივერსიტეტმაც.

წლის საუკეთესო პროზაული კრებული

  • ალეკო შუღლაძე — ლაბირინთი მანუელისთვის (გამომცემლობა პალიტრა L)
  • რუსუდან რუხაძე — სიყვარულის წონა (გამომცემლობა ინტელექტი)

წლის საუკეთესო რომანი

  • შოთა იათაშვილი — დამწყები (გამომცემლობა პალიტრა L)
  • ბექა ქურხული — თვალდაკარგული ყივჩაღის ჩანაწერები ანუ დეშთი-ყიფჩაღი (გამომცემლობა ინტელექტი)
  • ქარდა ქარდუხი — ჰერმესის დახლიდარები (გამომცემლობა პალიტრა L)
  • თამთა მელაშვილი — შაშვი შაშვი მაყვალი (სულაკაურის გამომცემლობა)
  • ეკატერინე ტოგონიძე — შინ-შენ (სულაკაურის გამომცემლობა)
  • თეონა დოლენჯაშვილი — ჩიტი არ გამოფრინდება (გამომცემლობა ინტელექტი)

წლის საუკეთესო პოეტური კრებული

  • ბათუ დანელია — თოვლის ტენორი (გამომცემლობა პეგასი)
  • ნათია გიორგაძე — ხმის მატარებელი (გამომცემლობა ინტელექტი)
  • ბესიკ ხარანაული — ეჰ, ბესარიონ (გამომცემლობა ინტელექტი)
  • ბელა ჩეკურიშვილი — ნანას ცხენი (გამომცემლობა ინტელექტი)
  • ეკა ქევანიშვილი — ღარიბების ტრანსპორტი არსად გაჩერდება (გამომცემლობა ინტელექტი)
  • გიორგი შონია — რობოტების ყვავილები (გამომცემლობა ინტელექტი)

წლის საუკეთესო დოკუმენტური პროზა

  • როსტომ ჩხეიძე — მუხა უდაბნოში (ალექსანდრე ორბელიანის საზოგადოება)
  • ვახტანგ ჯავახაძე — გალაკტიონის გარეშე (გამომცემლობა ინტელექტი)
  • ბიძინა მაყაშვილი — ბლუზი მტკვრის პირას (სულაკაურის გამომცემლობა)
  • არჩილ ქიქოძე — ნორვეგიული დღიური (სულაკაურის გამომცემლობა)
  • ზვიად კვარაცხელია — დარეკე! დაუბარე! (გამომცემლობა ინტელექტი)
  • ლადო ფოჩხუა — ენიკი ბენიკი (გამომცემლობა ინდიგო)
  • ალექსანდრე მიქაბერიძე, ნიკა ხოფერია — ნაპოლეონი: 51 კითხვა და ამდენივე პასუხი (გამომცემლობა არტანუჯი)

წლის საუკეთესო დებიუტი

  • ნანა აბულაძე — აკუმი (გამომცემლობა ინტელექტი)
  • ანდრო დადიანი — განსაწმენდელი (გამომცემლობა კალმოსანი)
  • ლევან გელაშვილი — ჩემი, შენი და როსტევან მეფის თავგადასავალი (აკადემიური წიგნი)
  • ირინე ტაბაღუა — ტელეფას ცხვარი (გამომცემლობა ინტელექტი)
  • ელენე კვირკველია — წყვეტა (გამომცემლობა ინტელექტი)
  • თამარ არდიშვილი — დიოფიტები (გამომცემლობა ინტელექტი)

წლის საუკეთესო წიგნის დიზაინი

  • ნატალია ავალიანი — შოთა იათაშვილის დამწყები (გამომცემლობა პალიტრა L)
  • თეონა ჭანიშვილი — იაკი კაბეს ამაღლების ქუჩა (გამომცემლობა არტანუჯი)
  • მაკა ზედელაშვილი — ჯორჯ მარტინის ღამეში მფრენნი (გამომცემლობა პალიტრა L)
  • ია გაბუნია — ლადო კილასონია ჩემი ბავშვობის უცხო მუზეუმში (სულაკაურის გამომცემლობა)

ილიას სახელმწიფო უნივერსიტეტის სპეციალური პრემია სამოქალაქო თემების ასახვისთვის ლიტერატურაში

მიიღო ეკა ქევანიშვილმა


ლიტერატურული კონკურსი თავისუფალი ლიტერა წელს პირველად ჩატარდა. ინიციატივა საქართველოს პენცენტრს მას შემდეგ გაუჩნდა, რაც გასულ წელს მწერალთა სახლის ყოველწლიურ კონკურსში ლიტერა მონაწილეობაზე უარი ნომინანტების უმრავლესობამ თქვა. ამის მიზეზი კონკურსის ჟიურიში სამინისტროს წარმომადგენლის, იოსებ ჭუმბურიძის, დანიშვნა გახდა. ლიტერას პრემია 2015 წლიდან არსებობდა და კონკურსის ჟიური ყოველთვის დამოუკიდებლად ირჩეოდა.

მაშინ სამინისტროს ჟიურის წევრის უკან გაწვევა მწერალთა სახლის სამეთვალყურეო საბჭომ და ლიტერას მონაწილეების ნაწილმა სთხოვა, თუმცა, ჭუმბურიძეს ჟიური არ დაუტოვებია. საბოლოოდ, ჟიური მის გარდა ყველა წევრმა დატოვა, ლიტერა 2021 კი გაუქმდა. მოგვიანებით, კულტურის მინისტრმა, თეა წულუკიანმა, განაცხადა, რომ "პრემია [ლიტერას], რომელიც გახდა კეზერაშვილის პრემია, სამინისტრო უკან არ დაიბრუნებს", მის ნაცვლად კი ლიტერატურული კონკურსი წლის საუკეთესო დაფუძნდა.