მთავრობა დღევანდელ სხდომაზე „ევროკავშირსა და ნატოში საქართველოს გაწევრიანების კომუნიკაციის 2017-2020 წლების სტრატეგიას" დაამტკიცებს, - დოკუმენტის შესახებ პრემიერმა გიორგი კვირიკაშვილმა დღეს, 13 აპრილის მთავრობის სხდომაზე განაცხადა. მისივე თქმით, მთავრობამ უკვე შეიმუშავა ევროკავშირსა და ნატო-ში გაწევრიანების კომუნიკაციის სტრატეგია, რომელსაც ევროინტეგრაციის საკითხებში სახელმწიფო მინისტრის აპარატი უხელმძღვანელებს.

პრემიერის თქმით, სტრატეგია ითვალისწინებს აქტიურობს როგორც ქვეყნის გარეთ, ასევე საშინაო პოლიტიკის მიმართულებით:

"ეს არის როგორც ქვეყნის შიდა სივრცეში, ასევე ქვეყნის გარეთ ჩვენს პარტნიორებთან კომუნიკაციის სტრატეგია და მნიშვნელოვანია, რომ დღეს მთავრობის სხდომაზე გამოგვაქვს ეს სტრატეგია".