ექსპრეზიდენტის, მიხეილ სააკაშვილის განცხადებით, 9 დეკემბერს სასამართლო პროცესს ჯანმრთელობის მდგომარეობის გამო ვერ დაესწრება, ერთადერთი კი რის გამოც სხდომაზე დასწრება სურდა, იმ ადამიანების გამხნევება და მხარდაჭერაა, რომლებიც მის გამო იჩაგრებიან.

"ჯანმრთელობის მდგომარეობის გამო ხვალ ვერ დავესწრები სასამართლო პროცესს.

ერთადერთი, რის გამოც აუცილებლად მინდოდა მოსვლა, იყო იმ ადამიანების გამხნევება და მხარდაჭერა, რომლებიც რამდენიმე თვეა იჩაგრებიან ჩემ გამო.

ეს ადამიანები დაუყოვნებლივ უნდა გათავისუფლდნენ და დაუბრუნდნენ თავიანთ ოჯახებს!" — აცხადებს ექსპრეზიდენტი.

ხვალ, 9 დეკემბერს საზღვრის უკანონოდ კვეთის საქმეზე იმართება სასამართლო სხდომა.