საქართველოში აშშ-ის ყოფილი ელჩის, იან კელის განცხადებით, პრობლემურია, რომ პოლიტიკური დინამიკა ქართულ ოცნებასა და ერთიან ნაციონალურ მოძრაობას შორის დაპირისპირებამდე დადის. მისი თქმით, ამით სხვა მნიშვნელოვანი პრობლემები იფარება.

"ერთ-ერთი მნიშვნელოვანი პრობლემა მთელ ამ სიტუაციასთან დაკავშირებით, ჩემი აზრით, არის ის რომ პოლიტიკური დინამიკა იცვლება ქვეყანაში. მცირდება პოლიტიკური დინამიკა და ქართულ ოცნებასა და ნაციონალურ მოძრაობას შორის დაპირისპირებამდე დადის ეს ყველაფერი და რეალურად არ აკეთებს ფართო აქცენტს იმაზე, რა პრობლემებიც აქვს ქვეყანას. არ აკეთებს აქცენტს იმ მიმდინარე მოვლენებზე, რაც მნიშვნელოვანია ქვეყნისთვის, იმისათვის, რომ გაძლიერდეს დემოკრატია სამომავლოდ.

მე ვფიქრობ, რომ ეს შემაშფოთებელია. ერთი მხრივ, ვიტყოდი, რომ მოხარული ვარ, რომ ბატონმა სააკაშვილმა შეწყვიტა შიმშილობა და გამოვიდა სიტყვით სასამართლოში, მაგრამ, მეორე მხრივ, მე ვფიქრობ, რომ ძალიან ცუდია, ის ფაქტი, რომ მთელი ყურადღება, მთელი აქცენტი გადადის ამ ვიწრო თემატიკაზე, ვიწრო საკითხზე, დრამატულ პოლიტიკურ არენაზე. რომელიც არც ისე პროდუქტიულია გულახდილად რომ გითხრათ, მთელი ეს სასამართლო პროცესი რაც არის [ფორმულას თარგმანი]", — ამბობს იან კელი.

დღეს, 29 ნოემბერს მიხეილ სააკაშვილის სასამართლო პროცესი გაიმართა. მოსამართლეთა კოლეგიამ 7 ნოემბრის საქმე განიხილა. ექსპრეზიდენტი საკუთარ სასამართლო სხდომას პირველად დაესწრო და მას სიტყვით გამოსვლის უფლებაც მისცეს. სააკაშვილმა სხვადასხვა პოლიტიკურ თემაზე, მათ შორის, საქართველოში ჩამოსვლასა და შიმშილობაზე, გლდანის ციხეში იძულებით გადაყვანასა და მკურნალობაზე ისაუბრა. ასევე, მიმოიხილა მის მიმართ წაყენებული ბრალდებები. სასამართლო პროცესზე სიტყვით გამოსვლის შემდეგ, სააკაშვილმა დარბაზი დატოვა და სხდომა მის გარეშე გაგრძელდა.

პროცესის მეორე ნაწილში მხარეებმა უკვე კონკრეტულ მტკიცებულებებზე იმსჯელეს. დაცვის მხარემ დააყენა შუამდგომლობა ექსპრეზიდენტისთვის სატელეფონო საუბრების უფლების აღდგენის შესახებ, თუმცა სასამართომ შუამდგომლობა საერთოდ არ განიხილა. მიხეილ სააკაშვილის ადვოკატების შეფასებით, ეს გადაწყვეტილება სასამართლოს მხრიდან მართლმსაჯულების განხორციელებაზე უარის თქმაა.