ექიმი ვაჟა გაფრინდაშვილი მოუწოდებს გლდანისა და რუსთავის ციხის ექიმებს, რომ ექსპრეზიდენტის ჯანმრთელობის მდგომარეობაზე თავისი პოზიცია დააფიქსირონ. მისი თქმით, ესენი არიან ნეიტრალური ადამიანები და ჰუმანური პროფესიის წარმომადგენლები, რომლებიც უშუალოდ აფასებენ მდგომარეობას.

"გლდანის და რუსთავის ციხის ექიმები არიან ისინი, ვინც უშაუალოდ აფასებენ სიტუაციას და თუ ისინი არ გამოხატავენ თავიანთ აზრს, ბატონ მიხეილ სააკაშვილს სჭირდება თუ არა საავადმყოფოში გადაყვანა, შემდეგ ყველაფერი მათ დაბრალდებათ. მე ძალიან მაინტერესებს საკანონმდებლო ორგანოს, ჩვენი პარლამენტის ჯანდაცვის კომისიის აზრი. იუსტიიიც სამინისტრო არის მხარე, რომელიც გვეუბნებამ, რომ სააკაშვილი არ შიმშილობს, რას იტყვის ჩვენი საკანონმდებლო ორგანო", — განაცხადა მან მთავარი არხის ეთერში.

ექსპრეზიდენტი უკვე 45 დღეა შიმშილობს. გუშინ, 13 ნოემბერს მისმა ექიმმა განაცხადა, რომ საკააშვილი საწოლიდან ვერ ადგა. დღეს მან აღნიშნა, რომ სააკაშვილი სუსტად არის, მაგრამ სასამართლო პროცესზე დასწრება შეუძლია.

დღის განმავლობაში მედიასაშუალებები ამბობდნენ, რომ კონსილიუმის წევრებს პენიტენციური სამსახურიდან აცნობეს, თითქოს ექსპრეზიდენტს მათთან შეხვედრა არ სურს. სააკაშვილის ნახვის შემდეგ თუთბერიძემ განაცხადა, რომ ეს სიცრუეა, სააკაშვილი თანახმაა და კონსილიუმს აცნობეს მისი პოზიცია, ამიტომ ექიმებს დღესვე ელოდებოდნენ. თუმცა, მოგვიანებით მან თქვა, რომ ორსაათიანი ლოდინის შემდეგ, არასამუსაო საათების მიზეზით ექიმები ციხეში არ შეუშვეს.

დღეს, 14 ნოემბერს სახალხო დამცველმა განაცხადა, რომ სახალხო დამცველის აპარატი ვერ ჩაანაცვლებს სახელმწიფოს პასუხისმგებლობას პატიმრის ჯანმრთელობაზე ზრუნვის კონტექსტში და ვერ განსაზღვრავს პაციენტის მკურნალობის ტაქტიკას. სავარაუდოდ, ასე უპასუხა მან მიხეილ სააკაშვილის და ადვოკატების სურვილს, მისი ეგიდით შეიქმნას ახალი კონსილიუმი პარიტეტული მოტივებით.