დღეს, 9 ნოემბერს 18 საათიდან საკანონმდებლო ორგანოს შენობაში და მის მიმდებარე ტერიტორიაზე დაშვება შეზღუდული იქნება. ამავე დროს პარლამენტთან საპროტესტო აქციაა დაგეგმილი. საკანონმდებლო ორგანოში ამ გადაწყვეტილებას "პროვოკაციების თავიდან აცილების" სურვილით ხსნიან.

"9 ნოემბერს, 18:00 საათიდან საქართველოს პარლამენტის სასახლეში და მიმდებარე ტერიტორიაზე უსაფრთხოების დაცვის რეჟიმის შესახებ საქართველოს პარლამენტის თავმჯდომარის 2016 წლის 30 დეკემბრის #259/3 ბრძანებით დადგენილი რეგულაციების შესაბამისად, იმოქმედებს პარლამენტის შენობაში დაშვების შეზღუდული რეჟიმი, გარდა მედიის წარმომადგენლებისა. აღნიშნული ღონისძიების მიზანია შესაძლო პროვოკაციების პრევენცია და საქართველოს პარლამენტის წევრებისა და აპარატის თანამშრომლებისთვის სამუშაო პირობების უზრუნველყოფა", — წერია განცხადებაში.

პარლამენტთან დღეს ჩანიშნული აქციის შესახებ ნაციონალური მოძრაობის თავმჯდომარემ, ნიკა მელიამ დღეს განაცხადა. მანამდე მან აღნიშნა, რომ ექსპრეზიდენტის, მიხეილ სააკაშვილის მხარდასაჭერად უწყვეტი აქციები გაიმართებოდა. რის შემდეგაც, პარლამენტის წინ ჯებირები აღმართეს.

გარდა ამისა, პარლამენტში მეშვიდე დღეა შიმშილობს დროას ლიდერი ელენე ხოშტარია. მისი მთავარი მოთხოვნა, ექსპრეზიდენტი მიხეილ სააკაშვილი სამოქალაქო კლინიკაში გადაიყვანაა. ხოშტარიასთან ყოველდღიურად შედიოდნენ მნახველები, რომლებზეც სპეციალურ საშვს პარლამენტი უშვებდა.