ქართული ოცნების წევრმა, შალვა პაპუაშვილმა თქვა, რომ არასამთავროების განცხადება, თითქოს, მთავრობასა და მმართველ პარტიას შორის ზღვარი წაიშალა, "კომიკურია". როგორც პაპუაშვილმა თქვა, ზღვარი არც არსებობდა, რადგან სწორედ პარტიის დაკომპლექტებულია საქართველოს მთავრობა.

"რას ვკითხულობთ არასამთავრობო ორგანიზაციების განცხადებაში — ვკითხულობთ, რომ თითქოს ზღვარი მმართველ პარტიასა და მთავრობას შორის ფაქტობრივად წაიშალა. კომიკური რომ არ იყოს განცხადება მათი, კიდე გავატარებდით, მაგრამ უნდა შევასხენოთ, რომ ზღვარი არათუ წაიშალა, ეს ზღვარი არც არსებობდა. ქართული ოცნების დაკომპლექტებულია საქართველოს მთავრობა, ასე რომ, ამაზე საუბარი ზედმეტიცაა", — თქვა პაპუაშვილმა.

16-მა არასამთავრობო ორგანიზაციამ თვითმმართველობის ჩატარების პროცესის შესახებ ერთობლივი განცხადება გაავრცელა, სადაც წერია, "ზღვარი მმართველ პარტიასა და მთავრობას შორის, ფაქტიურად, წაშლილია". მათი განცხადებით, სახელმწიფო ინსტიტუტები არ არიან მიმართული პოლიტიკური პარტიებისთვის თანაბარი საარჩევნო გარემოს შექმნისკენ.