ჩაკ პალანიკი — სამყაროს შავბნელი სურათების მხატვარი
ჩაკ პალანიკი თანამედროვეობის გამორჩეული მწერალია, რომელიც ჩვენს დროებას გულწრფელად აღწერს, მაშინაც კი, თუ ეს გულწრფელობა მიუღებლობის ზღვარზეა. ვერ უარვყოფთ, რომ როცა რეალობას თვალს ვუსწორებთ, მის ყველა წინააღმდეგობასა და ნაკლს (ავადმყოფობებს, ადიქციებს, ძალადობასა და სიკვდილს) ვხედავთ, რაც სამყაროს შავბნელ სურათს ქმნის. ცხოვრების მახინჯი ნაწილების აღწერას გამბედაობა სჭირდება, რასაც პალანიკი ნამდვილად არ უჩივის.
ცხოვრებისეული გამოცდილება, როგორც ლიტერატურის საფუძველი
როგორც წესი, პალანიკის პერსონაჟები განდეგილები არიან: ალკოჰოლისა და ნარკოტიკის მომხმარებლები, სექსზე დამოკიდებულები, მოძალადეები ან სასიკვდილოდ დაავადებული ადამიანები. შეიძლება ვიფიქროთ, რომ ავტორი განზრახ აზვიადებს სამყაროს სისასტიკეს, მაგრამ თუკი მის ცხოვრებას გადავავლებთ თვალს, მივხვდებით, საიდან მოდის ასეთი მსოფლმხედველობა.
პალანიკი მწერლად გახდომამდე თავშესაფარში და უიმედო პაციენტებისთვის განკუთვნილ კლინიკაში მუშაობდა, თუმცა ეს გამოცდილება არაფერია იმ ფაქტთან შედარებით, რომ მამამისი საყვარელთან ერთად ჯერ მოკლეს, შემდეგ კი დაწვეს. მკვლელობა ქალის ყოფილმა პარტნიორმა ჩაიდინა, რომელიც მანამდე ფიზიკური ძალადობის გამო იყო ნასამართლევი. მამის სასტიკმა მკვლელობამ პალანიკს მძიმე ტრავმა მიაყენა. მოგვიანებით ეს ისტორია მის რომანს ძილისპირულს დაედო საფუძვლად.
ეს მწერლის ცხოვრებიდან ერთადერთი სულისშემძვრელი ისტორია არაა: პალანიკის ბაბუამ ჯერ საკუთარ ცოლს ესროლა, შემდეგ კი თავი მოიკლა.
მიუხედავად იმისა, რომ პალანიკის მოთხრობილი ამბები გამოგონილია, მათი საფუძვლები შეგვიძლია მწერლის ბიოგრაფიაში ვეძიოთ. მართალია, პალანიკი ბინძური დეტალებით იპყრობს მკითხველის ყურადღებას, თუმცა მისი რომანები ამავდროულად ეხება ისეთ თემებს, როგორებიცაა: სიკეთე, საკუთარი თავის გაუმჯობესება და სიყვარული.
სტილი და წარმატების ისტორია
პალანიკმა წერა 35 წლის ასაკში დაიწყო. პირველ რომანს თავად მწერალი იმედგაცრუებად აფასებს, მეორე რომანი, უხილავი ურჩხულები, პროვოკაციულობის გამო რამდენიმე გამომცემლობამ დაიწუნა და მხოლოდ მოგვიანებით გამოქვეყნდა. პალანიკის მესამე წიგნი, მებრძოლთა კლუბი კი არავის დაუყენებია ეჭვქვეშ. წიგნმა განსაკუთრებული პოპულარობა დევიდ ფინჩერის ამავე სახელწოდების ფილმის გამოსვლის შემდეგ მოიპოვა.
გამოუცდელმა მკითხველმა შეიძლება იფიქროს, რომ მეტაფორებისა და ფილოსოფიური კონცეფციების გარეშე წერა მარტივია, თუმცა ასე ნამდვილად არაა: პალანიკი საკუთარ ტექსტების რამდენიმე შრეზე მუშაობს — დაწყებული სტრუქტურით და დასრულებული — სიტყვების შერჩევით. პალანიკი თავისი საქმის დიდოსტატია და სხვებსაც ასწავლის წერას ესეებისა და სემინარების დახმარებით. სიტყვების მოხელთებაში მას ჟურნალისტური გამოცდილებაც ეხმარება. მწერალი აღიარებს, რომ ხშირად მიმართავს რეპორტიორებისთვის დამახასიათებელ ტექნიკებს. სიმართლე რომ ვთქვათ, ჟურნალისტებმა ყველაზე უკეთ იციან, როგორ მიიპყრონ მკითხველის ყურადღება. პალანიკის აზრით, ტექსტი ზედმეტი დეტალებისგან დაცლილი და ამასთანავე ინფორმაციული უნდა იყოს. მისი თქმით, მკითხველებს სურთ, თვალი ადევნონ თავბრუდამხვევ მოქმედებებს და არა — ავტორის მოსაზრებებს.
ამბის თხრობის ამ მეთოდით ტექსტი ისევე მომაჯადოებელი ხდება, როგორც სატელევიზიო სერიალი და პალანიკის მიზანიც სწორედ ესაა. მისი აზრით, თანამედროვე ლიტერატურის უმთავრესი მიზანია, ფართო მასებს მისწვდეს. პალანიკს სჯერა, რომ ლიტერატურა ინფორმაციის მიღების ერთადერთი ღირებული წყაროა მთელ მასმედიაში.
პალანიკის ტექსტები დამაჯერებელია, რადგან გამომსახველობითია. მისი რომანების კითხვისას მკითხველი ბოლომდე ეფლობა წიგნში. მებრძოლთა კლუბის პირველივე სიტყვებიდან მკითხველს შეუძლია, ამ წარმოსახვითი სამყაროს გემო, სუნი და სტრუქტურა იგრძნოს: "ენის წვერით ვეხები ნახვრეტებს პისტოლეტის ლულაზე, რომელიც ერთად გავხვრიტეთ. სროლისას ხმაურს აირის გაფართოება იწვევს, თორემ სწრაფად მოძრავი ტყვია სულ ოდნავ ზუზუნებს. ხმის ჩასახშობად ლულა ბევრგან უნდა გახვრიტო. ნახვრეტებიდან აირი თავისუფლდება და აღარც ტყვია მიქრის ბგერის სიჩქარით".
ზოგიერთ შემთხვევაში აღწერა იმდენად გრაფიკულია, რომ წასაკითხად მძიმეა, თუმცა წიგნს გვერდზე მაინც ვერ გადადებთ. პალანიკი უნიკალური ავტორია: მან იცის, როდის დაამატოს სიბინძურე და როდის განმუხტოს ტრაგიკული სიტუაცია ირონიით. აქედან გამომდინარე, მისი რომანები სრულყოფილად დაბალანსებულია.
კიდევ ერთი ტექნიკა, რომელსაც პალანიკი მიმართავს, გაზვიადებაა, რის გამოც მისი პერსონაჟები უფრო ბუნებრივები ჩანან. მაგალითად, რომან ხრჩობაში მთავარი გმირი სექსზე დამოკიდებული კაცია, რომელიც მუზეუმში მუშაობს და სხვადასხვა რესტორანში საკვების გადაცდენის ინსცენირებას ახდენს, რათა მომავალში საკუთარი “მხსნელებისგან” ფული და წერილები მიიღოს. ის ფულს დედამისის მკურნალობისთვის იყენებს და ეს მხოლოდ მცირე ნაწილია იმ აბსურდისა, რომელსაც ისტორიის განვითარებისას ვეჩეხებით.
პალანიკის სტილისთვის დამახასიათებელი კიდევ ერთი ნიშანი რეფრენების (განმეორებების) გამოყენებაა, რაც რამდენიმე მიზანს ემსახურება. პირველ რიგში, ის მკითხველს პერსონაჟისადმი თანაგრძნობით განაწყობს, შემდეგ კი აჩვენებს ცხოვრების ტემპს, მის ცვალებადობასა თუ სტაბილურობას. მაგალითისთვის ავიღოთ ეს ამონარიდი უჩინარი ურჩხულებიდან, სადაც მოდელის ყოველდღიური ცხოვრებაა აღწერილი:
პალანიკი არცერთ სიტყვას არ იყენებს ამაოდ. მან ზუსტად იცის, რა რეაქციის გამოწვევა სურს. შესაძლოა, ეს სტრატეგია ზედმეტად მანიპულაციურად აღიქმებოდეს, მაგრამ ავტორი მკითხველს მზა პასუხებს სულაც არ აძლევს: ყოველთვის ტოვებს საკმარის სივრცეს დაფიქრებისა და ანალიზისთვის. აუდიტორიას უწევს, თავად გამოიცნოს, რას გრძნობს პერსონაჟი და რა არის რომანის მთავარი კონფლიქტი. ის ფაქტი, რომ მკითხველთა დასკვნები ერთმანეთისგან რადიკალურად განსხვავდება, მწერლის შემოქმედებას ორაზროვნებას მატებს.
ამავდროულად, პალანიკი ხშირად მიმართავს "არასაიმედო მთხრობლის" ხერხს. ამის თვალსაჩინო მაგალითი მებრძოლთა კლუბია, სადაც სწორედ ეს ხრიკი ქმნის საფუძველს სიუჟეტის წარმოუდგენელი განვითარებისათვის.
რა თქმა უნდა, არსებობს მიზეზები, რის გამოც ადამიანებს არ ესმით ან არ მოსწონთ პალანიკის შემოქმედება. მისი წიგნებით სიამოვნების მიღება გაგიჭირდებათ, თუ უხამს დეტალებსა და ძალადობაზე კონცენტრირდებით, თუმცა გულისამრევი სცენების მიღმაც კი იმალება უმნიშვნელოვანესი გზავნილი: მაშინაც კი, როცა ფსკერზე ხარ, შეგიძლია, წამოდგე და ცხოვრების აზრი იპოვო. მისი პერსონაჟები მარტოობაში იხრჩობიან, თუმცა მაინც დაატარებენ იმედის პატარა ნაპერწკალს — ზუსტად ისე, როგორც რეალურ ცხოვრებაში ხდება.
-
გადახედვაახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება ახალგაზრდების ორგანიზებით, პარლამენტთან საპროტესტო აქცია დღეს 19 საათზე იგეგმება
-
-
გადახედვარატომ გაუჩინარდნენ ევროპის მონადირე-შემგროვებლები რატომ გაუჩინარდნენ ევროპის მონადირე-შემგროვებლები
-
გადახედვასაფრანგეთმა აზერბაიჯანიდან კონსულტაციებისთვის ელჩი გაიწვია საფრანგეთმა აზერბაიჯანიდან კონსულტაციებისთვის ელჩი გაიწვია
-
გადახედვაპარლამენტში გომელაურის მოსმენისას ხმაური იყო — პაპუაშვილმა სალომე სამადაშვილს დარბაზი დაატოვებინა პარლამენტში გომელაურის მოსმენისას ხმაური იყო — პაპუაშვილმა სალომე სამადაშვილს დარბაზი დაატოვებინა
-
გადახედვაევროკავშირს კი არა, ყველანაირ დასავლეთს დაგვავიწყებენ, არც ვიზალიბერალიზაცია შეგვრჩება — რას ამბობს ოპოზიცია ოფშორების კანონზე ევროკავშირს კი არა, ყველანაირ დასავლეთს დაგვავიწყებენ, არც ვიზალიბერალიზაცია შეგვრჩება — რას ამბობს ოპოზიცია ოფშორების კანონზე
-
გადახედვაპარლამენტმა ე.წ. ოფშორების შესახებ კანონი დაამტკიცა პარლამენტმა ე.წ. ოფშორების შესახებ კანონი დაამტკიცა
-
გადახედვავენერას ატმოსფეროდან კოსმოსში ნახშირბადი და ჟანგბადი ჟონავს ვენერას ატმოსფეროდან კოსმოსში ნახშირბადი და ჟანგბადი ჟონავს
-
გადახედვაOldboy-ის მიხედვით ინგლისურენოვან სერიალს გადაიღებენ Oldboy-ის მიხედვით ინგლისურენოვან სერიალს გადაიღებენ
-
გადახედვა"გერმანიის ელჩმა კანცლერის ციტირება სწორად მოახდინა, ბუნდესტაგის აბსოლუტური უმრავლესობა მკაცრად ეწინააღმდეგება აგენტების კანონს — როთი "გერმანიის ელჩმა კანცლერის ციტირება სწორად მოახდინა, ბუნდესტაგის აბსოლუტური უმრავლესობა მკაცრად ეწინააღმდეგება აგენტების კანონს — როთი
-
გადახედვაპროკურატურის თანამშრომლის სახელის გამოყენებით, თანხის გამოძალვის ფაქტზე, ორ პირს პატიმრობა მიესაჯა პროკურატურის თანამშრომლის სახელის გამოყენებით, თანხის გამოძალვის ფაქტზე, ორ პირს პატიმრობა მიესაჯა
-
გადახედვაპარლამენტთან ახალგაზრდები აქციას მართავენ — რუსთაველი გადაკეტილია პარლამენტთან ახალგაზრდები აქციას მართავენ — რუსთაველი გადაკეტილია
-
გადახედვააზერბაიჯანში, "ამორალური კონტენტის" გამო, 60-მდე ტიკტოკერი დასაჯეს აზერბაიჯანში, "ამორალური კონტენტის" გამო, 60-მდე ტიკტოკერი დასაჯეს
-
გადახედვააქციის დროს დაკავებული ირაკლი კუპრაძე და გელა ხასაია გაათავისუფლეს აქციის დროს დაკავებული ირაკლი კუპრაძე და გელა ხასაია გაათავისუფლეს
-
გადახედვადეგნანი: ვფიქრობ, კანონის შემობრუნების მიზეზი ისაა, რომ ოცნებამ არჩევნებზე საერთაშორისო სადამკვირვებლო მისიების მუშაობა არ დაუშვას დეგნანი: ვფიქრობ, კანონის შემობრუნების მიზეზი ისაა, რომ ოცნებამ არჩევნებზე საერთაშორისო სადამკვირვებლო მისიების მუშაობა არ დაუშვას
-
გადახედვასაგარეოში უარყოფენ, რომ საქართველოს ელჩი გერმანიაში ბუნდესტაგში დაიბარეს — რა ვიცით საგარეოში უარყოფენ, რომ საქართველოს ელჩი გერმანიაში ბუნდესტაგში დაიბარეს — რა ვიცით
-
გადახედვაროგორი იყო უძველესი ადამიანების ევოლუცია — კვლევა როგორი იყო უძველესი ადამიანების ევოლუცია — კვლევა
-
გადახედვარაზე საუბრობს პრეზიდენტი ევროპულ მედიასთან — ზურაბიშვილის ინტერვიუები სამ ტელეარხთან რაზე საუბრობს პრეზიდენტი ევროპულ მედიასთან — ზურაბიშვილის ინტერვიუები სამ ტელეარხთან
-
გადახედვაჩახუტება ტკივილს, შფოთვასა და დეპრესიას მართლაც ამსუბუქებს — კვლევა ჩახუტება ტკივილს, შფოთვასა და დეპრესიას მართლაც ამსუბუქებს — კვლევა
-
გადახედვასაერთაშორისო გამჭვირვალობის სათავო ოფისი მოუწოდებს მთავრობას, გამოითხოვოს კანონპროექტი საერთაშორისო გამჭვირვალობის სათავო ოფისი მოუწოდებს მთავრობას, გამოითხოვოს კანონპროექტი
-
გადახედვაოპოზიციური პარტიების ერთობლივი განცხადება რუსულ კანონთან დაკავშირებით ოპოზიციური პარტიების ერთობლივი განცხადება რუსულ კანონთან დაკავშირებით
კომენტარები