ჯანდაცვის მინისტრის მოადგილე თამარ გაბუნია არ გამორიცხავს, რომ აგვისტოს მსგავსად ქვეყანაში კორონავირუსის გავრცელების შემთხვევები გაიზარდოს. მისი თქმით, ამის თავიდან აცილება ვაქცინაციის მაღალი მაჩვენებელითა და რეგულაციების დაცვით არის შესაძლებელი.

"აქ პირობებია ისევ და ისევ წინაპირობები იმისათვის, რომ არ გქვონდეს ისეთი დატვირთვა, რაც გვქონდა აგვისტოში. ეს არის ვაქცინაციის ტემპის გაზრდა და რეგულიაცია. უპირობოდ ჩვენ გულხელდაკრეფილი დავჯდეთ და იმის მოლოდინი გვქონდეს, რომ აგვისტო არ განმეორდება ამის თქმა არ შეგვიძლია", — განაცხადა გაბუნიამ.

20 ოქტომბრის მონაცემებით, საქართველოში კორონავირუსის 5 219 ახალი შემთხვევა დადასტურდა, გამოჯანმრთელდა — 2 348, ხოლო გარდაიცვალა 42 ადამიანი.