დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ჯანდაცვის მინისტრის, ეკატერინე ტიკარაძის განცხადებით, შაბათს საქართველო წითელი ჯვრისგან ნაჩუქარ Sinopharm-ის 100 000 დოზას მიიღებს. მისივე თქმით, ვაქცინაციაზე რეგისტრაცია და რეგისტრაციის გარეშე აცრა ორშაბათიდან განახლდება.

"გვაქვს სასიხარულო ამბავი იმ მოქალაქეებისთვის, ვინც კონკრეტულად ირჩევს Sinopahrm-ს. მე მადლობა მინდა გადავუხადო წითელ ჯვარს, რომლისგანაც ჩვენ 100 000 დოზა Sinopharm-ს შაბათს მივიღებთ საჩუქრად. რაც მოგვცემს, რა თქმა უნდა, საშუალებას, რომ ორშაბათიდან კვლავ განახლდეს Sinopharm-ზე, როგორც რეგისტრაცია, ასევე რეგისტრაციის გარეშე ვაქცინაცია. ჩვენ კვლავ ვრჩებით საკმაოდ ფართო ასორტიმენტით ვაქცინაციის მიწოდების პროცესში", — თქვა ეკატერინე ტიკარაძემ.

26 აგვისტოს ცნობილი გახდა, რომ Sinopharm-ის პირველ დოზებზე რეგისტრაცია დროებით შეიზღუდა. შეზღუდვები ეხებოდა, როგორც წინასწარ ჯავშანს, ასევე, ცოცხალ რიგს.

8 სექტემბრის მონაცემებით, საქართველოში კორონავირუსის 2 571 ახალი შემთხვევა დადასტურდა, გამოჯანმრთელდა 3 668, ხოლო გარდაიცვალა — 60 ადამიანი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: