ხვალიდან Sinopharm-ის პირველ დოზებზე ვეღარ დარეგისტრირდებით, სანამ დამატებითი პარტია არ შემოვა. ინფორმაციას ამის შესახებ დაავადებეთა კონტროლის ეროვნული ცენტრი ავრცელებს. შეზღუდვა ეხება როგორც წინასწარ ჯავშანს, ასევე, ცოცხალ რიგს.

"დროებით შეჩერება არ ეხება იმ პირებს, ვინც პირველი დოზით აცრის ჯავშანი გააკეთა ა.წ. 27 აგვისტომდე ნებისმიერი მომდევნო თარიღისთვის", — წერია განცხადებაში.

მათივე ცნობით, შეუფერხებლად გრძელდება მოქალაქეების აცრა Sinopharm-ის ვაქცინის მეორე დოზით. NCDC მოუწოდებს პირველი დოზით აცრის მსურველებს, დაჯავშნონ და აიცრან Pfizer-ით, AstraZeneca-სა და Siovac-ის ვაქცინებით. განცხადებაში არ არის დაკონკრეტებული, როდის შემოვა ჩინური ვაქცინის დამატებითი დოზები.