შინაგან საქმეთა მინისტრი გიორგი მღებრიშვილი ხულოში ჩავიდა, სადაც პოლიციელებს შეხვდა. ადგილობრივ მოსახლეობასთნ საუბრისას მან აღნიშნა, რომ ბათუმის არეულობის დროს, მათ შეეძლოთ ძალის გამოყენება, თუმცა, როგორც მღებრიშვილი აცხადებს, შსს-ს მეტად უღირს ადამიანების ჯანმრთელობა, ვიდრე დამწვარი მანქანები:

"შეგვეძლო გამოგვეყენებინა ძალა, ჩვენ გვქონდა ძალაც და რესურსიც, რომ ის ხალხი იქედან დაგვეშალა, მაგრამ ჩვენ გავუფრთხილდით ჩვენი ადამიანების სიცოცხლეს და მათ ჯანმრთელობას. ჩვენ არ გამოვედით, მანამ სანამ ბოლომდე არ დაიწმინდა. ჩვენ ოპერატიული ინფორმაცია გვქონდა გარედან, რომ ეს ადამიანები, ვინც ცნობისმოყვარეობის მიზნით იყვნენ მისულები, წავიდოდნენ და დაიშლებოდნენ. როგორც კი იქ ადგილზე დარჩნენ კრიმინალები, ჩვენ მერე ჩავერიეთ. ჩვენ უფრო მეტად გვიღირს თითოეული ადამიანის ჯანმრთელობა და სიცოცხლე, ვიდრე ორი და სამი დამწვარი ავტომობილი".

მინისტრის თქმით, პოლიციამ მაქსიმუმი გააკეთა რაც შეეძლო და მოთმინება გამოიჩინა.