განათლების მინისტრის, მიხეილ ჩხენკელის აზრით, იმისთვის, რომ "ჭეშმარიტად განათლებული თაობა" გვყავდეს, აუცილებელია არჩევნებში ქართულმა ოცნებამ გაიმარჯვოს. ეს განცხადება ჩხენკელმა აჭარაში მერობის კანდიდატების წარდგენისას განაცხადა.

"მეგობრებო, ადგილობრივი თვითმმართველობის როლი საგანმანათლებლო ინფრასტრუქტურის განვითარებაში არის უაღრესად დიდი. საგანმანათლებლო ინფრასტრუქტურა, ეს ძალიან მნიშვნელოვანი ნაწილია ჩვენი განათლების სისტემის მთლიანად განვითარებისთვის. შესაბამისად, ჩვენ რომ გვყავდეს ჭეშმარიტად განათლებული თაობა, ამისთვის აუცილებელია, რომ ჩვენმა გუნდა გაიმარჯვოს და ჩვენი გუნდი აუცილებლად, დამაჯერებლად გაიმარჯვებს", — განაცხადა მიხეილ ჩხენკელმა.

განათლების მინისტრმა განაცხადა, რომ განათლება და მეცნიერება ხელისუფლების პრიორიტეტია. ჩხენკელმა იქამდე ისაუბრა ქუთაისის საერთაშორისო უნივერსიტეტისა და ბათუმის განათლების ქალაქზე.