ოზურგეთის ერთ-ერთ ტაძარში კაცი ნაჯახით შეიარაღებული შევარდა და შიდა სივრცე დაარბია. დაზიანებულია ინვენტარი და ხატი. სამართალდამცავების მისვლის შემდეგ კი კაცმა ნაჯახი პოლიციის მანქანას ჩაარტყა.

შინაგან საქმეთა სამინისტროში On.ge-ს უთხრეს, რომ კაცი ადგილზე დააკავეს. გამოძიება კი სისხლის სამართლის კოდექსის 187-ე მუხლით მიმდინარეობს, რაც ნივთის დაზიანებას ან განადგურებას გულისხმობს.