ამერიკელი სენატორის, ჯინ შაჰინის განცხადებით, საქართველოში სწორედ იმიტომ იმყოფებიან, რომ მხარი დაუჭირონ ქვეყნის სწრაფვას ევროინტეგრაციისა და დასავლეთისკენ. ამის შესახებ მან სენატორ რობ პორტმანთან ერთად ერთობლივ პრესკონფერენციაზე ისაუბრა.

"ცალსახაა, რომ რუსეთი ცდილობს დააშინოს ამ რეგიონში ის ქვეყნები, რომლებაც მიდიან ევროატლანტიკური ინტეგრაციისა და დასავლეთისკენ, სადაც უკეთეს ცხოვრებას ხედავენ, ვიდრე რუსეთს შეუძლია მათ შესთავაზოს. სწორედ ამიტომ ვართ აქ, რომ მხარი დავუჭიროთ ამ მცდელობას და დავრწმუნდეთ, რომ გააგრძელებთ რეფორმებს დემოკრატიული ინსტიტუტების გაძლიერებისთვის, იმისთვის, რომ მეტი შესაძლებლობა შეიქმნას საქართველოს მოქალაქეებისთვის. აშშ კვლავ რჩება საქართველოს მტკიცე პარტნიორად და ჩვენ აქ ვართ, რომ დაგიჭიროთ მხარი და დაგეხმაროთ ამ მცდელობაში", — განაცხადა მან.

მისი თქმით, დღეს საკოუპაციო ხაზთან იხილეს, რომ რუსეთი სწორედ იმავე დაშინების ტაქტიკას იყენებს საქართველოში, რასაც უკრაინსა და ბელარუსში.

"მინდა აღვნიშნო, რომ გვქონდა შესაძლებლობა, ვყოფილიყავით ვილნიუსში, სადაც შევხვდით ბელარუსის ოპოზოცირ ლიდერს. გავეცანით იმ ვითარებას, რომელშიც არიან ბელარუსელი ხალხი, როდესაც ისინი განიცდიან დაშინებას, გაგვაცენს ვითარება, რომელიც შეიქმნა თვითმფირნავის ბელარუსში დასმის შედეგად, რომელიც მიმართული იყო, რომ ოპოზიციის ლიდერი ჩამოესვათ თვითმფრინავიდან. ვნახეთ, რომ დაშინების იმავე ტაქტიკას რუსეთი იყენებს უკრაინაში, სადაც მას ოკუპირებული აქვს ყირიმი და დომბასში განგრძობითად მიმდინარეობს შეიარაღებული კონფლიქტი. ეს არის იგივე ტაქტიკა, რაც დღეს ჩვენ ვნახეთ", — განაცხადა მან.

2 ივნისს საქართველოში სენატროები ჯინ შაჰინი და რობ პორტმანი ჩამოვიდნენ.