კომპანია ENKA-ს დირექტორის, მერაბ ლომინაძის თქმით, ნამახვანჰესი, ისევე როგორც ენგურჰესი, ტურისტულად მიმზიდველი იქნება.

"ისევე, როგორც ენგურჰესი არის ის ღირსშესანიშნაობა, რომელიც საქართველოში ჩამოსულ ნებისმიერ ადამიანს და ტურისტს აინტერესებს. ზუსტად ასეთი ცენტრი იქნება უკვე ნამახვანში", — თქვა ლომინაძემ მთავარი არხის ეთერში.

ნამახვანჰესის მშენებლობლობის მოსაზმადებელი სამუშაოების დაწყებას ადგილობრივების პროტესტი მოჰყვა, რომელიც დღემდე გრძელდება. ისინი ჰესის მშენებლობის შეჩარებას და ტერიტორიიდან კომპანია ENKA-ს გასვლას ითხოვენ.

გუმათში დღესაც ხმაური იყო. ჰესის მშენებლობის მოწინააღმდეგეები ადგილზე აღმართულ რკინის ბარიკადებზე აბრახუნებდნენ და ჯებირების მიღმა გასვლას ცდილობდნენ.

ისინი დღეს ტყის ბილიკით შეეცადნენ ხეობაში მოხვედრას, თუმცა სამართალდამცავებმა მათ ამის საშუალება არ მისცეს. სამართალდამცავები აქტივისტებს დაედევნენ და ბარიკადებს მიღმა მოაბრუნეს. პროტესტის ერთ-ერთი ლიდერის, ვარლამ გოლეთიანის თქმით, ტყის ბილიკით გადასვლას 50-მდე ადამიანი ცდილობდა. მისივე თქმით, ეს ერთგვარი სიმბოლური აქტი იყო.

გუმათჰესთან პოლიცია მას შემდეგ არის განლაგებული, რაც სოფელ ნამოხვანში ხეობის აქტივისტებს კარვები დაუშალეს და იქ დაბრუნების საშუალებას არ აძლევენ. რკინის ბარიკადებში მხოლოდ ადგილობრივ მოსახლეობას ატარებენ, თუმცა აქციის მონაწილეებს სახლში წასასვლელად შემოვლითი გზის გამოყენება უწევთ. ბარიკადებს პოლიცია ამაგრებს, რომელთან რაოდენობაც საღამოობით იზრდება.

მას შემდეგ, 26 მაისს რაც ხეობის აქტივისტები თბილისში გამართული აქციებიდან გუმათში დაბრუნდნენ, ისინი ყოველ ღამე ბარიკადებზე აბრახუნებენ და ხმაურობენ.

27 მაისს შინაგან საქმეთა სამინისტრომ განაცხადა, რომ რკინის ბარიკადებზე ქვებს ურტყამდნენ, რის გამოც ისინი დაზიანდა და საქმეზე გამოძიება დაიწყეს. აქტვისიტები კი აღნიშნავენ, რომ ხმაური გაგრძელდება იქამდე, სანამ მოთხოვნები არ შესრულდება.