თიბისის გამორჩეული პროდუქტი — “განაწილება”, ყველანაირი ინტერესისა და საჭიროების მქონე მომხმარებელთა სურვილების ასრულების გასამარტივებლად შეიქმნა, ამიტომ, მათ მუდმივად განსხვავებულ შეთავაზებებს სთავაზობს.

მაგალითად, აპრილი წიგნის მოყვარულების გახარებით დაიწყო და მისცა შესაძლებლობა, დიოგენეს ფიზიკურ მაღაზიებში მიმდინარე, 1+1 აქციით წიგნების განაწილებით ყიდვისას, დამატებით 10%-იანი ფასდაკლებით ისარგებლონ.

მსგავსი გამორჩეული შეთავაზებებისას, როგორც წესი, ადამიანებს ყველაფრის ყიდვა ერთდროულად სურთ და უჭირთ გადაწყვიტონ, რომელი აირჩიონ. მარიტა მერაბიშვილის დახმარებით, თიბისი განაწილების გუნდმა, მომხმარებლებს ეს პროცესიც გაუმარტივა და ურჩევს 5 წიგნს, რომლებიც მარიტას აზრით, საკუთარი თავის აღმოჩენაში დაეხმარებათ.

1. სილვია პლათი — “ზარხუფი“

სილვია პლათის “ზარხუფი“ ერთ-ერთი ყველაზე ძლიერი ნახევრად ავტობიოგრაფიული რომანია, სადაც ავტორი მთავარი გმირის, ესთერ გრინვუდის, დეპრესიისა და შინაგანი ქაოსის მაგალითზე, მენტალურ ჯანმრთელობასთან ბრძოლის შესახებ გვიყვება. ეს არის წიგნი მათთვის, ვისაც ოდესმე თავი დაკარგულად უგრძნია, ან საკუთარი იდენტობის დაუსრულებელ ძიებაშია. წიგნი მკითხველს ნათლად აჩვენებს, რომ ყველაფრის გადალახვა შესაძლებელია.

2. ბანანა იოშიმოტო – “სამზარეულო“

იაპონელი ავტორი ბანანა იოშიმოტო რომანში — “სამზარეულო“, საოცარი სიფაქიზით გვიყვება ადამიანურ კავშირებზე, დანაკარგსა და ახალ ოჯახურ ურთიერთობებზე. დედის გარდაცვალების შემდეგ, მთავარი გმირი, მიკაგე საკურაი, აღმოაჩენს, რომ მისი ერთადერთი ნუგეში და კომფორტი სამზარეულოშია. ეს ნაწარმოები გვაჩვენებს, თუ როგორ შეიძლება ერთი შეხედვით უბრალო დეტალმა — საჭმლის მომზადებამ, სულის ტკივილი შეგვიმსუბუქოს.

3. მაგდა კალანდაძე – “მეორე ოთახი“

ქართველი მწერლის, მაგდა კალანდაძის “მეორე ოთახი“ გვიყვება ტკივილზე, რომელიც მთავარი გმირის ახალი ცხოვრების საწყისად იქცა. ეს ამბავი მკითხველს შინაგანი სამყაროს გადახედვისკენ უბიძგებს და აჩვენებს, რომ მიუხედავად ყველანაირი სირთულისა, შესაძლებელია, იპოვო ძალა ცხოვრების გასაგრძელებლად.

4. მარგარეტ ეტვუდი — “ბრმა მკვლელი“

მარგარეტ ეტვუდი ერთ-ერთი უდიდესი მწერალია, რომლის რომანიც — „ბრმა მკვლელი“, ფენებად შლის ამბავს, სადაც პერსონაჟების ემოციები და ტრაგიკული ბედისწერა ერთმანეთს ერწყმის. “ბრმა მკვლელი” აერთიანებს ისტორიულ და ფსიქოლოგიურ ელემენტებს, გვიყვება ოჯახში მომხდარ იმ საიდუმლო მოვლენებზე, რომლებმაც შესაძლოა, გავლენა მოახდინოს აწმყოზე. ეს წიგნი საშუალებას მოგცემთ, გადაეშვათ ინტრიგებით სავსე სამყაროში და გადახედოთ პირადი ისტორიების გავლენას ჩვენს არსებობაზე.

5. თრეისი შევალიე — “გოგონა მარგალიტის საყურით“

თრეისი შევალიეს “გოგონა მარგალიტის საყურით“დახვეწილი და ესთეტიკურად გამორჩეული რომანია, რომელიც ხელოვნებისა და სოციალური ჩარჩოების გადაკვეთაზე მოგვითხრობს. წიგნი გვიხატავს ვერმეერის ცნობილი ნახატის წარმოშობის ალტერნატიულ ისტორიას და გვაცნობს უბრალო, მაგრამ მგრძნობიარე გოგონა — გრიტის სამყაროს. ეს არის ამბავი ინსპირაციის, ჩუმი ვნების, კლასობრივი სხვაობებისა და შეზღუდული არჩევანის შესახებ. შევალიეს ლაკონიური, თუმცა ვიზუალურად მდიდარი თხრობა ქმნის სურათს, რომელიც არა მხოლოდ მხატვრობის მოყვარულთათვის, არამედ ყველა იმ ადამიანისთვისაა საინტერესო, ვისაც უყვარს სიღრმისეული, ემოციურად დატვირთული ისტორიები.

თიბისი განაწილება წიგნის მოყვარულთათვის განსაკუთრებული შეთავაზებების მომზადებას კვლავ გეგმავს და წიგნის საერთაშორისო ფესტივალისთვის ემზადება. ამიტომ, უახლოეს მომავალში, კიდევ გექნებათ შესაძლებლობა, იყიდოთ თქვენთვის სასურველი წიგნები და თანხა ეტაპობრივად, 4 თვის განმავლობაში, გადაიხადოთ, რაც მთავარია, ეფექტური 0%-ით.

წიგნის ფესტივალის ფარგლებში, ყველა მონაწილე გამომცემლის ობიექტში შეგეძლებათ სარგებლობა ტრანზაქციების განაწილებითაც, რაც იმას ნიშნავს, რომ შეძენილი წიგნების საფასურს, უკან დაიბრუნებთ და სასურველ პერიოდზე გაანაწილებთ.