ევროპარლამენტარის, მარინა კალიურანდის განცხადებით, მნიშვნელოვანია, 2024 წელს ევოკავშირის წევრობაზე განაცხადის გაკეთების საკითხზე ქართველების მოლოდინების შემცირება და რეალობის ახსნა, რადგან მისი თქმით, საქართველო გაწევრიანებაზე 2024 წელს დადებით პასუხს ვერ მიიღებს. ამის შესახებ მან ისაუბრა კონფერენციაზე — საქართველოს გზა ევროკავშრისკენ, რა არის შემდეგი?

"ყველა სახელმწიფოს უნდა ჰქონდეს უფლება, რომ გადაწყვიტოს საკუთარი მომავალი და ქართველებს აქვთ უფლება, რომ იმ ორგანიზაციაში გააკეთონ განცხადება წევრობაზე, სადაც სურთ, რომ იყვნენ. მაგრამ იმის ნაცვლად, რომ სხვადასხვა ქვეყნის სხავდასხვა პოლიტიკური ჯგუფის მოსაზრება იკითხოთ, მნიშვნელოვანია, გახსოვდეთ, რომ ეს არის პოლიტიკური საკითხი, რაც ნიშნავს ერთსულოვან მხადრაჭერას ევროკავშირში. ეს არის გაფართოების ერთადერთი გზა.

ძალიან ღიად და გულწრფელად ვიტვყი, რომ ევროკავშირის გაფართოებაზე ევროკავშირში კონსენსუსი არ არის, ეს რეალობაა. ამიტომ არ მივაქცევდი დიდ ყურადღებას წევრობაზე კითხვას, რადგან ახლო მომავალში ეს რეალისტური არ იქნება. ამის ნაცვლად, უფრო მნიშვნელოვანია, რომ დიდი ყურადღება მიექცეს სექტორულ რეფორმებს და აქ მინდა მივულოცო საქართველოს, რომ ახალი სტრატეგიების შემუშავება და ევროკავშირთან შეთანხმება, შესანიშნავნია და თქვენ ამას აკეთებთ. ამიტომ, ჩემი აზრით, მნიშვნელოვანია, ქართველების ამბიციები შევამციროთ, რადგან თქვენ ვერ მიიღებთ თანხმობას 2024 წელს. უმჯობესია მოლოდინების შემცირება და რეალობის ახსნა", — განაცხადა მან.

ევროპარალამენტარის თქმით, ევროკავშირში დღემდე არიან ქვეყნები, რომლებიც კვლავ ფიქრობენ, რომ 2004 წელს ევროკავშირის 10 ქვეყნით გაფართოება, შეცდომა იყო. ამიტომ მისი პოზიციით, გაწევრიანებაზე საუბარი არის პოლიტიკური საკითხი, რომელსაც კონსენსუსი და მუშაობა სჭირდება.

2024 წელს საქართველო გეგმავს, რომ ევროკავშირის წევრობაზე განაცხადი წარადგინოს.