ჯანდაცვის მინისტრის, ეკატერინე ტიკარაძის განცხადებით, იმისთვის, რომ მოქალაქემ ვაქცინაციამდე თავი უსაფრთხოდ იგრძნოს, უმჯობესია კვლევების რეკომენდაციაზე მიმართს თავის ოჯახის ექიმს. ამის შესახებ მან რუსთავი 2-ის ეთერში ის

"საქართველოს ყველა მოქალაქეს ჰყავს ოჯახის ექიმები, რომლებიც კარგად იცნობენ მათ ჯანმრთელობას. ეს არის ოჯახის ექიმის კომპეტენცია. ოჯახის ექიმების გაიდლაინში კონკრეტულად არის გაწერილი, თუ რა დამატებითი კვლევები შეიძლება მათ ჩაუტარონ პაციენტებს, იმისათვის, რომ მათ თავი იგრძნონ უსაფრთხოდ.

აქედან გამომდინარე, ჩემი მოწოდება იქნება, მიმართონ თავიანთ ოჯახის ექიმებს, რომლებიც მისცემენ მათ კვალიფიციურ რეკომენდაციას ყველა საჭირო კვლევასთან დაკავშრებით და მერწმუნეთ, თუ ისინი გაივლიან ამ საიმედო გზას, ისინი იქნებაინ გაცილებით მეტად დაცულები, ვიდრე თუ ისინი მოისმენენ მხოლოდ სატელევიზიო გადაცემებით მოწოდებებს თუ რომელი ანალზიები უნდა ჩაიტარონ ან ხშირ შემთხვევაში თუ ისინი გუგლს დაეკითხებიან", — თქვა მან.

19 აპრილს კორონავირუსის საწინააღმდეგო ვაქცინაციაზე წინასწარი რეგისტრაციია დაიწყო. ჯანდაცვის სამინისტროს ცნობით, წინასწარი რეგისტრაციის მიზანი კორონავირუსის ვაქცინაციის მსურველთა რაოდენობის შესახებ ინფორმაციის სწრაფად და დაუყოვნებლივ მიღებაა.

ქვეყანაში მედპერსონალის ვაქცინაცია AstraZeneca-ს ვაქცინით 15 მარტიდან დაიწყო, ხოლო ვაქცინაციის პროცესში 65 წელს ზევით მოქალაქეები 25 მარტიდან ჩაერთვნენ. 55 წლის ზევით ასაკის მოქალაქეებისთვის ვაქცინაციის პროცესში ჩართვა 2 აპრილიდან გახდა შესაძლებელი.

Pfizer-ის ვაქცინის 29 250 დოზა საქართველოში 25 მარტს ჩამოიტანეს. ხოლო ჩინური ვაქცინა სინოფარმი ქვეყანამ 3 აპრილს მიიღო.

გარდა ამისა, 8 აპრილს ექსპერტების საბჭომ სამინისტროს და დაავადებათა კონტროლის ცენტრის თანამშრომლებთან ერთად მიიღო გადაწყვეტილება, რომ AstraZeneca-ს ვაქცინით ვაქცინაციის პროგრამა მხოლოდ 55 წლის ზემოთ პირებისთვის გაგრძელდება.