ჯანდაცვის მინისტრის, ეკატერინე ტიკარაძის განცხადებით, ვაქცინაციის პროცესში ასაკობრივი ჯგუფების დამატება მოხდება. კერძოდ, ვაქცინაცია 65 წელს ზევით მოქალაქეებისთვისაც იქნება ხელმისავწდომი.

"სწორედ ეს გახლავთ ის მოწყვლადი ჯგუფები, რომლებისთვისაც კოვიდ ინფექცია ერთ-ერთი ყველაზე საშიში ინფექცია", — განაცხადა ტიკარაძემ.

მისივე თქმით, ვაქცინაციის მსურველების დასარეგისტრირებლად პორტალი 25 მარტიდან იქნება ხელმისაწვდომი.

მან, ასევე, აღნიშნა, რომ სამედიცინო პერსონალის ვაქცინაციის პროცესი ჩვეულ რეჟიმში გაგრძელდება, თუმცა 25 რიცხვის შემდეგ ექიმები იმ განსაკუთრებული რიგის მართვის კომპონენტს ვერ გამოიყენებენ, რომელზე ხელმისაწვდომობაც მათ ამ პერიოდში ჰქონდათ.

ვაქცინაციის ეროვნული გეგმის მიხედვით, თავდაპირველად სამედიცინო სფეროში დასაქმებულების აცრა იყო დაგეგმილი, შემდეგ კი 65 წელს ზევით მყოფი მოქალაქეების.

საქართველოში მედპერსონალის ვაქცინაცია AstraZeneca-ს ვაქცინით 15 მარტიდან დაიწყო.