ექსპრემიერი გიორგი გახარია ამჯერად ტვიტერზე გამოჩნდა, სადაც წერს, რომ თავისი პოლიტიკური დღის წესრიგის განსაზღვრაზე მუშაობს. გახარიას თქმით, საქართველოს პოლიტიკური პოლარიზაციის აღმოფხვრა და ევროპული მომავლისთვის რეალური გეგმის შემუშავება სჭირდება.

გადადგომიდან ერთი თვის შემდეგ, გიორგი გახარია დღეს პირველად გამოჩნდა ჟურნალისტებთან, უფრო სწორად, პირველად მისცა მათ კომენტარი და თქვა, რომ არსად წასვლას არ აპირებს და პოლიტიკაში რჩება. რამდენიმე საათში იმავე შინაარსის წარწერით მან ოფიციალურ ფეისბუქგვერდზე ფოტო გამოაქვეყნა.

გახარიას განცხადებას პოლიტიკურ წრეებში განხილვა მოჰყვა. ოპოზიციის ნაწილი მას ბიძინა ივანიშვილის დაანონსებულ ოპოზიციურ ძალად აღიქვამს და აცხადებენ, რომ ის "ქართული ოცნება 2"-ს ჩამოაყალიბებს. ნაწილი ფიქრობს, რომ ეს მმართველ გუნდს დაასუსტებს. ყოფილი თანაგუნდელები კი ამბობენ, რომ მის პოლიტიკაში დაბრუნებას მიესალმებიან.

გახარიამ პრემიერმინისტრის თანამდებობა 18 თებერვალს დატოვა და ამის მიზეზად ნაციონალური მოძრაბის თავმჯდომარის, ნიკა მელიას საქმეზე ქართული ოცნების გუნდში აზრთა სხვადასხვაობა დაასახელა.