ქართული ოცნების დეპუტატის, შალვა პაპუაშვილის განცხადებით, მათი ოპონენტები არითმეტიკაში ცდებიან, როცა პარლამენტის ერთპარტიულად წარმოჩენას ცდილობენ.

"მიუხედავად იმისა, რომ ჩვენი ოპონენტები ცდილობენ წარმოაჩინონ, თითქოს, ეს ერთპარტიული პარლამენტია, აქ არითმეტიკაში ირევიან და ვერ ხედავენ, მაგალითად მოქალაქეებს. თვალში ეპატარავებათ მოქალაქეები, თუ რატომ? ევროპელი სოციალისტები თვალში ეპატარავებათ, თუ რატომ? — თქვა პაპუაშვილმა რუსთავი 2-თან.

2020 წლის წლის საპარლამენტო არჩევნების შემდეგ პარლამენტში მმართველი პარტიის, ქართული ოცნების გარდა, მხოლოდ 2 პარტია მოქალაქეები და ევროპელი სოციალისტები შევიდნენ. ოპოზიცია მე-10 მოწვევის პარლამენტს ერთპარტიულად მოიხსენიებს.