მე-20 საუკუნის მოდერნიზმის მთავარი იდეა ფორმის ფუნქციასთან თავსებადობა იყო. დღეს კი არქიტექტორი კოიჩი ტაკადა დიზაინერებს იწვევს, შექმნან ახალი არქიტექტურული მოძრაობა, რომელიც გარემოსთან პასუხისმგებლიანობაზე იქნება ორიენტირებული. მას სჯერა, რომ ახალ სტილში ფორმა ბუნებასთან ჰარმონიაში უნდა იყოს. ტაკადას მიერ შექმნილი "მზესუმზირა-სახლი" კერძო საცხოვრებელია, რომელიც ენერგიას თავისით გამოიმუშავებს. შენობა Bloomberg Green-ის დავალებით აშენდა და მისი მიზანი ევროპის მწვანე მომავლის სტანდანდარტებთან თანხვედრა იყო. სახლი ცენტრალური იტალიის რეგიონის, უმბრიის მზესუმზირების შთაგონებით შეიქმნა და ის ამ მცენარეს არამხოლოდ ესთეტიკური თვალსაზრისით, არამედ ფუნქციურადაც ჰგავს.

"დიზაინერები და არქიტექტორები ამბობენ, რომ ხატვისას ესთეტიკურ შთაგონებას ბუნებისგან იღებენ, თუმცა ჩვენ კიდევ უფრო სიღრმისეულად უნდა შევხედოთ ამ საკითხს", — ამბობს სახლის არქიტექტორი. ბუნებისგან ვიზუალური შთაგონება ბიომიმიკრიის ერთ-ერთი სახეა, რაც იმას გულისხმობს, რომ ადამიანები შენობებსა და საცხოვრებელ სივრცეებს ბუნებაში უკვე არსებული სხეულების მიხედვით ქმნიან. ტაკადას სჯერა, რომ ბიომიმიკრია არამხოლოდ ესთეტიკური სილამაზისთვის, არამედ გარემოსთვის სასარგებლო მიზნებით უნდა გამოვიყენოთ. "ჩვენ არამხოლოდ ვიზუალურად ბუნებრივი სახლები უნდა ავაშენოთ, არამედ შევცვალოთ გარემო დადებითი კუთხით სწორედ იმ სახლებში, რომელშიც ვცხოვრობთ, იმ უბნებში, სადაც ვმუშაობთ თუ ვთამაშობთ და, საერთო ჯამში, იმ პლანეტაზე, სადაც ცხოვრების პრივილეგია მოგვეცა", — აღნიშნავს ტაკადა.

"მზესუმზირა-სახლი" ფორმით ბუნებრივობას მისდევს და ფუნქციურად მცენარის დანიშნულებას იმეორებს. სახურავი მზესუმზირასავით იმ მხარეს "იხედება", საითაც მზე გადაიწევს და თან ენერგიას აგროვებს. "მზესუმზირის ლოგიკით" მზის პანელი იმაზე 40%-ით მეტ ენერგის გამოიმუშავებს, ვიდრე ერთ ადგილას გაჩერებული შეძლებდა. შესაბამისად, შენობა იმაზე მეტ ენერგიას ქმნის, ვიდრე იყენებს და შეუძლია ზედმეტი ენერგია ენეგოსისტემაში დააბრუნოს. სხვა დამოუკიდებელი ფუნქციებიდან აღსანიშნავია წვიმის წყლის შეგროვება, ბუნებრივი ვენტილაცია და მბრუნავი ფასადის სისტემა, რომელიც სახლს მზისგან გადახურებისგან იცავს.

"მზესუმზირა-სახლი" სამ სართულზე შენდება და მასში 2-3-საძინებლიანი რამდენიმე ბინა ეტევა. მისი კონცეფცია გვიჩვენებს, როგორ შეიძლება გამოიყურებოდეს მწვანე დასახლება და როგორ შეგვიძლია გარემოში უხეშად არ შევიჭრათ. ტაკადა შეგვახსენებს, რომ "კლიმატის ცვლილება პოზიტიური ცვლილებების კატალიზატორი უნდა გახდეს და ეს ყველაფერი ჩვენი სახლებიდან უნდა დავიწყოთ". მისი თქმით, პლანეტის მომავლისთვის არქიტექტურა უფრო ბუნებრივი უნდა გახდეს. "ჩვენ გვჭირდება კინეტიკური, ცოცხალი აქიტექტურა, რომელიც გარემოს პატივს სცემს და მასში მცხოვრები ადამიანების კეთილდღეობას ხელს უწყობს", — აღნიშნავს არქიტექტორი.

სახლის თანამედროვე, გამორჩეული დიზაინით მოწყობაში ამიერკავკასიაში ყველაზე დიდი სამშენებლო და სარემონტო მასალების ჰიპერმარკეტი მიჰაუსი დაგეხმარებათ. 12 000 კვ. მეტრზე გაშლილ სივრცეში თქვენ შეხვდებით 60 000-მდე დასახელების პროდუქციას მსოფლიოს მრავალი ქვეყნიდან.

პროდუქციის ვირტუალურ ინტერიერში აღქმის შესაძლებლობით, ონლაინ მაღაზიით, სწრაფი მიტანის სერვისით, ლოიალურობის პროგრამებითა და სხვა უპირატესობებით მიჰაუსი თქვენი სახლის თუ სამუშაო სივრცის სიმყუდროვესა და კომფორტს უზრუნველყოფს.