ეგვიპტის ავიახაზებმა ტვიტერზე დაპოსტა, რომ ეგვიპტელმა სამხედროებმა 19 მაისს გაუჩინარებული რეისის, MS804-ის ნამსხვრევები ხმელთაშუა ზღვაში იპოვეს.

სამგზავრო თვითმფრინავი, რომელიც პარიზი-კაიროს რეისს ასრულებდა, დაშვებადე 20 წუთით ადრე, ხმელთაშუა ზღვის თავზე გაუჩინარდა. საბერძნეთის ხელისუფლების თქმით, მათმა სამხედრო რადარმა დააფიქსირა, თვითმფრინავის ჯერ მარცხნივ, შემდეგ კი 360 გრადუსით მარჯვნივ მობრუნება, 11 კილომეტრის სიმაღლიდან კი ვარდნა დაიწყო, დაახლოებით 4.5 კილომეტრის სიმაღლეზე კი რადარებიდან გაუჩინარდა.

ავიაკომპანიამ უკვე მიუსამძიმრა იმ 66 ადამიანის ოჯახს, რომლებიც ტრაგედიას ემსხვერპლნენ.

ადგილი, საიდანაც რეისი MS804 გაუჩნარდა.

ფოტო: Flightradar24

ეგვიპტის ხელისუფლებამ განაცხადა, რომ თვითმფრინავის ჩამოვარდნა "დიდი ალბათობით", ტერორიზმს უკავშირდება და ტექნიკური ხარვეზი გამორიცხა. საეჭვო ფაქტია ისიც, რომ პილოტებს რაიმე პრობლემის შესახებ ავიადისპეჩერებთან არ უსაუბრიათ.