საქართველოში ევროკავშირის წარმომადგენლობის ხელმძღვანელი იანოშ ჰერმანი ევროპარლამენტის მიერ საქართველოსთვის ვიზალიბერალიზაციის მხარდაჭერის ფაქტს აფასებს და აცხადებს, რომ კენჭისყრის ასეთი შედეგით დასრულება, წლების განმავლობაში გაწეული სამუშაოს შედეგია:

"ეს ძალიან მნიშვნელოვანი შედეგია, ეს არის შედეგი, საქართველოს მიერ წლების განმავლობაში გაწეული სამუშაოსი. ახლა მორიგი ნაბიჯია გადასადგმელი, რადგან წევრმა ქვეყნებმა საბჭოში უნდა მიიღონ გადაწყვეტილება. უნდა აღინიშნოს, რომ მხოლოდ ერთი ნაბიჯიღა რჩება გადასადგმელი. იმედი მაქვს, ეს ძალიან მალე მოხდება. ვიზალიბერალიზაციის პროცესს პირადად ვაკვირდებოდი ბოლო ორი წლის განმავლობაში და ვიცი რამდენი რამ გაკეთდა".

დღეს, ევროპარლამენტის პლენარულ სხდომაზე 553 ხმით 66-ის წინააღმდეგ საქართველოს ვიზალიბერალიზაციას დეპუტატებმა მხარი დაუჭირეს.

გაიგეთ მეტი: რა უნდა ვიცოდეთ ევროკავშირში უვიზოდ მოგზაურობისთვის?