ჰარი სტაილსმა სინგლ Treat People With Kindness-ზე გადაღებული კლიპი ოფიციალურად გაავრცელა. 20-იანი წლების განწყობით შთაგონებულ ვიდეოში მომღერალს სერიალ Fleabag-ის შემქმნელი ფიბი უოლერ-ბრიჯი უწევს პარტნიორობას.

სიმღერის თიზერი ერთი კვირის წინ Twitter-ზე გამოქვეყნდა, თუმცა ჰარი სტაილსსა და უოლერ-ბრიჯს მოსალოდნელი ვიდეო კოლაბორაციის შესახებ კომენტარი არ გაუკეთებიათ.

შავ-თეთრი ვიდეორგოლი ხელახალ დასაწყისებსა და სიკეთის აუცილებლობაზე გვიყვება. ახალი წლის დღეს გავრცელებული კლიპი საცეკვაო ნომრებით არის დატვირთული. რეჟისორები ბენ და გეიბ ტერნერები არიან, რომელთაც სტაილსთან სინგლ Golden-ის გადაღებაზეც ითანამშრომლეს. ვიდეორგოლს, YouTube-ზე 1 საათში 500,000 ნახვა აქვს.

Treat People With Kindness (ადამიანებს კეთილად მოეპყარი) ჰარი სტაილსის მეორე სოლო ალბომიდან — Fine Line არის, რომელმაც 26 წლის მომღერალს სუკეთესო პოპ ალბომის ნომინაცია მოუტანა. სინგლ Adore You-ზე გადაღებული კლიპი საუკეთესო მუსიკალური ვიდეოს ნომინაციაში მოხვდა, მომღერალი საუკეთესო პოპ სოლო შესრულებისთვისაც არის ნომინირებული სიმღერით Watermelon Sugar.