ჰარის სტაილსის და ფიბი უოლერ-ბრიჯის ფანები ტვიტერზე გავრცელებულმა თიზერმა გააერთიანა. 20-წამიან, შავ-თეთრ კლიპში ჰარი ფიბის Treat People With Kindness-ს უმღერის და საცეკვაოდ იწვევს.

გასული საუკუნის 20-იანი წლების ესთეტიკით შთაგონებული ვიდეოს ბოლოს Vevo-ს ლოგოს ვხედავთ, რაც One Direction-ის ყოფილი წევრისა და სერიალ Fleabag-ის იდეის ავტორის მუსიკალური ვიდეოსთვის გაერთიანების ეჭვებს ამძაფრებს.

სერიალის ოფიციალური Twitter-ის გვერდი ერთ-ერთი ფან გვერდის მიერ გამოქვეყნებული სერიალის სქრინს, რომელშიც პერსონაჟი ამბობს — "მომწონს ჰარი. მომწონდა მისი სიმღერები" სქრინით გამოეხმაურა და მოლოდინები კიდევ უფრო გაამძაფრა.

Treat People With Kindness (ადამიანებს კეთილად მოეპყარი) ჰარი სტაილსის მეორე სოლო ალბომიდან — Fine Line არის. 26 წლის მომღერალმა სამი გრემის ნომინაცია მოიპოვა — საუკეთესო პოპ ალბომისთვის, საუკეთესო მუსიკალური ვიდეოსთვის Adore You-ზე გადაღებული კლიპით და და საუკეთესო პოპ სოლო შესრულებისთვის სიმღერით Watermelon Sugar.