დონალდ ტრამპის ბრძანებით, აშშ-ს მომავალი ფედერალური სამთავრობო დაწესებულებები ლამაზი უნდა იყოს. დოკუმენტის თანახმად, სასურველია შენობები აშენდეს ბერძნულ ან რომაულ სტილში.

თეთრის სახლის ვებგვერდზე გამოქვეყნებულ დოკუმენტში გაკრიტიკებულია, რომ ბოლო პერიოდის სამთავრობო შენობები ბრუტალიზმის სტილშია ნაგები. როგორც ბრძანებაშია ნათქვამი, მომავალი შენობები უნდა ჰგავდეს ამერიკელებისთვის საყვარელ არქიტექტურულ ძეგლებს, როგორიცაა თეთრი სახლი.

"ხშირად ირჩევდნენ ცნობილი არქიტექტორების პროექტებს და ნაკლებ ყურადღებას უთმობდნენ ადგილობრივ ესთეტიკურ პრიორიტეტებს. ამის შედეგად ფედერალური არქიტექტურა ძალიან მოსწონდა არქიტექტურულ ელიტას, თუმცა არა ამერიკელ ხალხს, რომელთათვის უნდა აშენდეს ეს შენობები", — ვკითხულობთ დოკუმენტში.

გარდა ამისა, ბრძანება ფედერალური სამსახურების ლამაზი არქიტექტურის მხარდაჭერის შესახებ ითვალისწინებს ახალი საბჭოს შექმნას, რომელიც ახალი სამთავრობო შენობების აგებისას პრეზიდენტს კონსულტაციებს გაუწევს. როგორც დოკუმენტშია აღნიშნული, გამონაკლისების გარდა მთავრობამ "შეწყვიტა ლამაზი ობიექტების შენება".