შინაგან საქმეთა სამინისტროს ცნობით, კარანტინისა და პირბადის ტარების წესის დარღვევის გამო 790 პირი დაჯარიმდა.

როგორ უწყებაში აცხადებენ, 53 პირი კარანტინის წესის დარღვევის, ხოლო 737 პირი პირბადის ტარების წესის დარღვევის გამო დააჯარიმა.

შსს-ს ცნობით, პირბადის ტარების წესის დარღვევა იწვევს ადმინისტრაციულ პასუხისმგებლობას
და ასკ-ის 42(11)-ე მუხლის შესაბამისად ჯარიმას 20 ლარის ოდენობით. იზოლაციისა და კარანტინის წესის დარღვევა იწვევს ადმინისტრაციულ პასუხისმგებლობას და ასკ–ის 42(10)-ე მუხლის შესაბამისად ფიზიკური პირის დაჯარიმებას 2 000 ლარით, ხოლო იურიდიული პირის — 10 000 ლარის ოდენობით. განმეორებითი ჯარიმა კი სისხლისსამართლებრივ პასუხისმგებლობას ითვალისწინებს.