როგორც იქნა HBO-მ პატივი დაგვდო და გაგვაგებინა როდის ვიხილავთ საკულტო სერიალის სამეფო კარის თამაშების ახალ სეზონს.

მეშვიდე სეზონი ზაფხულში, 25 ივნისს გამოვა და ტრადიციული 10 სერიის ნაცვლად ამჯერად 7 ეპიზოდისგან შედგება.

სერიალის პრემიერის თარიღი უკვე მითითებულია საიტ Imdb-ზეც.

ფოტო: imdb

თუმცა მანამდე ხორვატიაში, ქალაქ დუროვნიკში გადაღებული ფოტოები გავრცელდა, სადაც სერსეი და ჯეიმი ლანისტერები არიან აღბეჭდილი.

ფოტო: thegrumpyfish

ცოტა ხნის წინ Reddit-ის ერთ-ერთმა იუზერმა Game of Thrones-ის მეშვიდე სეზონის ყველა მომავალი სერიის მოკლე შინაარსი დადო, მოგვიანებით კი ფოტო სპოილერები გავრცელდა, სადაც ჩანს, რომ სამეფო კარის თამაშების მეშვიდე სეზონის ერთ-ერთი მთავარი ფიგურა ეურონ გრეიჯოი იქნება.

სერიალის მეექვსე სეზონი სერსეი ლანისტერის ტრიუმფალური აღზევებით დასრულდა, სწორედ ამიტომ ყველა მოუთმენლად ელის ლინა ჰედის პერსონაჟის მომავალს, რომელზეც თავად მსახიობმაც ისაუბრა და აღნიშნა, რომ სერსეი აუცილებლად გააკეთებს იმას, რაც მას დასჭირდება იმისთვის, რომ დარჩეს ძლიერ და ძალაუფლების მქონე პერსონაჟად.

HBO-ს სერიალის მომავალზე ჯორჯ მარტინმაც ისაუბრა და გაგვაფრთხილა, რომ ბედნიერი დასასრულის იმედი არ უნდა გვქონდეს.