ადამიანების უმეტესობას სპოილერები მომაკვდინებელ ცოდვად მიაჩნია და ფიქრობს, რომ ისინი, ვინც სხვებს წინასწარ უყვებიან რა მოხდება წიგნში, ფილმსა თუ სერიალში, ჯოჯოხეთში განსაკუთრებულ ადგილს იმსახურებენ.

თუ სპოილერებს დანაშაულად და ცოდვად ჩავთვლით, მაშინ, შეიძლება ითქვას, რომ Reddit-ის ერთ-ერთმა იუზერმა Game of Thrones-ის მეშვიდე სეზონს გენოციდი მოუწყო და ფორუმზე ყველა მომავალი სერიის მოკლე შინაარსი დადო.

როგორც ამბობენ, ასეთი სპოილერები მეექვსე სეზონის გამოსვლამდეც გავრცელდა და რაც მთავარია, შინაარსს თითქმის ყველაფერი დაემთხვა.

ეჭვს ამ სპოილერების რეალურობაზე ისიც ამძაფრებს, რომ GOT-ის მსახიობმა ნატალი იმანუელმა სევდიანად დატვიტა, "სამწუხაროა, რომ არსებობენ ადამიანები, რომლებსაც უნდათ, რომ მაყურებლებს მეშვიდე სეზონი ჩაუშხამონ".

ჩვენ თავი გავწირეთ და ეს სპოილერები თქვენ მაგივრად წავიკითხეთ და უნდა გითხრათ, რომ ძალიან ძალიან ძალიან შთამბეჭდავი ამბები მოხდება მეშვიდე სეზონში, თუ, რა თქმა უნდა, ეს ყველაფერი ახდა.

ცხადია, გვინდა მომავლის ამბები თქვენს გაგიზიაროთ, ამიტომ ამ სტატიაში ძალიან ბევრი სპოილერი იქნება, პრინციპში, ეს ისედაც გასაგები იყო, მაგრამ ჩვენ მაინც გაფრთხილებთ.

ჯერ-ჯერობით არაფერი იცით, ამიტომ შეჩერდით, აღარ გააგრძელოთ ამ სტატიის კითხვა და დაელოდეთ ზაფხულს.

ბოლო გაფრთხილებაა! ამის შემდეგ იწყება მეშვიდე სეზონის სპოილერები!

თუ ჰოდორმაც ვერ შეგაკავათ, მაშინ ვიწყებთ!

მართლა, ტირიონის გიფის მერე პირდაპირ სპოილერი იწყება!

ეპიზოდი #1

ვაით ვოქერები, ანუ თეთრი მოსიარულეები ანუ ყინულის ზომბები იწყებენ სამხრეთისკენ სვლას.

ბრენი გადმოდის კედლის აქეთ და ხვდება ედს.

ეს არის ედი:

ეპიზოდი #2

ჯონთან მოდის ყორანი, რომელსაც დაენერისის წერილი მოაქვს. დენი ვესტეროსის ლორდებს იბარებს თავისთან. ჯონი და დავოსი გადაწყვეტენ, რომ დაენერისს დრაგონსტოუნზე ეახლონ, რადგან ვაით ვოქერებთან საბრძოლველად ობსიდიანი სჭირდებათ - რომელიც დრაგონსტოუნზე უხვად მოიპოვება.

ვინტერფელის მმართველად ჯონი სანსას ტოვებს.

ეპიზოდი #3

ჯონი და დავოსი დრაგონსტოუნზე ჩადიან. სანაპიროზე მათ ტირიონი ხვდებათ რამდენიმე დოსრაკისთან ერთად, რომლებიც დავოსისა და ჯონის გემს იკავებენ დროებით.

ჯონი და დავოსი ხვდებიან დაენერისს, გრეი ვორმსა და მისანდეის. დენი ჯონს მუხლის მოყრას სთხოვს, მაგრამ უარს იღებს. ისინი ვაით ვოქერების თემას განიხილავენ, დაენერისს ჯონის არ სჯერა, ხოლო ტირიონი ამტკიცებს, რომ ჯონი გიჟი არ არის და მას უნდა დაუჯერონ.

დენი მაშინვე პატივისცემით განეწყობა ჯონის მიმართ, ჯონი - არც ისე.

ბრენი ვინტერფელში ბრუნდება, მირა - სახლში.

ეპიზოდი #4

არია, ბოლოს და ბოლოს, როგორც იქნა, ღმერთებო! ბრუნდება ვინტერფელში.

ეპიზოდი #5

სემი და ჯილი პატარასთან ერთად ოლდთაუნიდან ვინტერფელში მიდიან.

ჯორა დრაგონსტოუნში ჩამოდის.

ჯონის სახელზე მოდის ყორანი, რომლითაც ატყობინებენ, რომ არია და ბრენი ვინტერფელში არიან.

ჯეიმი, ბრონი, ტირიონი და დავოსი საიდუმლოდ ხვდებიან ერთმანეთს. ტირიონი ცდილობს, ჯეიმი დაარწმუნოს, რომ დაენერისს დანებდნენ და არ იბრძოლონ, ჯეიმი ტირიონის შეთავაზებას არ ეთანხმება. უცნობია ეს მანამდე ხდება ვიდრე დენი ლანისტერების არმიას დაესხმება თავს თუ - მერე.

გენდრი ქინგს ლენდინგშია და ისევ მჭედლად მუშაობს, მას დავოსი პოულობს.

ეს არის გენდრი:

ეპიზოდი #6

ჯონი რამდენიმე თანმხლებთან ერთად, ჰაუნდთან, ბერიკთან, თოროსთან, თორმუნდთან, ჯორასა და გენდრისთან ერთად მიდის გავაითვოქერებული ვინმეს დასაჭერად - კაცმა არ იცის, რატომ.

ჯგუფს თავს ესხმის ღამის მეფის, ანუ ვაით ვოქერების მეფის არმია და მისი ზომბი თეთრი დათვი. თეთრი დათვი კლავს თოროსს.

ეს არის თოროსი:

დანარჩენები ალყაში არიან გაყინული ტბის კუნძულზე, რა დროსაც დაენერისი და მისი დრაკონები მოდიან და მათ გადაარჩენენ. ჯონი გაფრენას ვერ მოახერხებს, დანარჩენები ისტვოჩში მიდიან.

ჯონს გადაარჩენს ბენჯენი, რომელიც მოვა, თავის ცხენს ჯონს მისცემს და ვაით ვოქერებს შეებრძოლება. ჯონი ცოცხალ-მკვდარი გააღწევს სამშვიდობოზე.

ვისერიონი - დენის ერთ-ერთი დრაკონი კვდება. მას ღამის მეფე ზომბ-დრაკონად აღადგენს.

ეპიზოდი #7

სანსა ლითელფინგერს სიკვდილს მიუსჯის. განაჩენს არია აღასრულებს.

სემი და ბრენი ჯონის წარმომავლობას გაშიფრავენ. ჯონი, როგორც რაეგარის უკანონო შვილი, დენის მიერ აღიარებულია კანონიერ ტარგარიანად და ეწოდება აეგონი.

ჯონს და დენის აქვთ სექსი.

ეპიზოდის ბოლოს კედელი ინგრევა. ღამის მეფე კედელს ზომბი-ვისერიონით უტევს, რომელიც პირიდან ლურჯ ალს აფრქვევს.

დასკვნა

ვ-ა-ი-მ-ე!