რამდენიმე დღის წინ ცნობილი გახდა თუ ვინ იბრძოლებს 2017 წელს ოქროს გლობუსისთვის.

კატეგორიაში ქალის მეორეხარისხოვანი როლის საუკეთესო შემსრულებელი სატელევიზიო მხატვრულ ფილმში ან სერიალში დიდი კონკურენციაა, თუმცა, როგორც ამბობენ, ჰოლივუდის უცხოური პრესის ასოციაცია სავარაუდოდ არჩევანს ორ მსახიობს შორის გააკეთებს, ერთი ლინა ჰიდია სამეფო კარის თამაშებიდან მეორე კი ტენდი ნიუტონი ველური დასავლეთის სამყაროდან.

ორივე სერიალი HBO-ს პროდუქტია, ერთი მათგანი ახლა დაიწყო, მეორეს დასრულებამდე კი სულ ორი სეზონიღა დარჩა.

Mashable-თან ინტერვიუში ლინა ჰიდიმ სერსეი ლანისტერის ბედზე ისაუბრა.

"მე სერსეის არ ვუყურებ და არ ვთამაშობ ისე, როგორც ანტაგონისტ, ბოროტ პერსონაჟს. მე ვთამაშობ ქალს, რომელიც იბრძვის გადარჩენისთვის, ზუსტად ისე, როგორც ამას მამაკაცები აკეთებენ, ხომ ხვდებით? ვიღაცას აუცილებლად მოკლავ როდესაც ძალიან ძალიან დიდ ბრძოლაში ხარ ჩართული", - ამბობს ლინა.

კითხვაზე, მისი აზრით სერსეი ლანისტერი გამოისყიდის თუ არა თავის დანაშაულებს, ლინა ჰიდიმ უპასუხა:

"რა თქმა უნდა არა, მონანიება სერსეის პერსონაჟს გაანადგურებს და ეს არც მის ხასიათში ჯდება".

ჰიდიმ ასევე თქვა, რომ სერსეი აუცილებლად გააკეთებს იმას, რაც მას დასჭირდება იმისთვის, რომ დარჩეს ძლიერ და ძალაუფლების მქონე პერსონაჟად.