მას შემდეგ, რაც სამეფო კარის თამაშების ახალი სეზონის გადასაღები მოედნიდან პირველი ფოტოები გავრცელდა, სადაც ტარგარიენების გოგო ჯონ სნოუს ხვდება, შემდეგ კი საერთოდაც მთელი სეზონის შინაარსიც გაგვაგებინეს, თამამად შეგვიძლია ვთქვათ, რომ შემდეგი წელი HBO-სთვის კიდევ უფრო წარმატებული იქნება. ამის კიდევ ერთი დამადასტურებელი საბუთი კი სპოილერის სახით სულ ცოტა ხნის წინ გავრცელდა. როგორც ჩანს, სამეფო კარის თამაშების მეშვიდე სეზონის ერთ-ერთი მთავარი ფიგურა ეურონ გრეიჯოი იქნება.

ფოტო: Lorenzo Cordero / HOY.es

როგორც გადასაღები მოედნიდან გავრცელებული ფოტოებიდან ჩანს, ეურონს, რომელსაც ტყვედ ჩაგდებული მარტელები მოჰყავს, ქალაქში დიდი ოვაციებით ხვდებიან,

ფოტო: Lorenzo Cordero / HOY.es

აღსანიშნავია, რომ ფოტოებზე არ ჩანან ობარა და ნიმერია, რომლებიც სავარაუდოდ საზღვაო შეტაკებების დროს დაიღუპნენ. იარა და ელარია კი გრეიჯოის ტყვეებად იქცნენ.

თამამად შეგვიძლია ვთქვათ, რომ სერსეი ლანისტერი ბედნიერი იქნება.