ბელარუსის მოქალაქე ქალის მკვლელობის საქმეზე ბათუმში ერთი პირი დააკავეს. ამის შესახებ ინფორმაციას შინაგან საქმეთა სამინისტრო ავრცელებს.

უწყებით ცნობით, ბრალდებულმა 6 ნოემბერს ბელარუსის მოქალაქეს მისსავე საცხოვრებელ სახლში ურთიერთშელაპარაკებისას ცივი იარაღით სხეულზე მრავლობითი ჭრილობა მიაყენა და შემთხვევის ადგილიდან მიიმალა. მიყენებული ჭრილობების შედეგად ის ადგილზე გარდაიცვალა.

შინაგან საქმეთა სამინისტროს ცნობით, გამოძიება განზრახ მკვლელობის საქმეზე საქართველოს სისხლის სამართლის კოდექსის 108-ე მუხლით მიმდინარეობს.