ლელოს ლიდერმა, ბადრი ჯაფარიძემ პარლამენტთან მიმდინარე აქციაზე განაცხადა, რომ ოპოზიციის ერთობა არის იარაღი სამართლის მისაღწევად და ისინი ერთად ბრძოლას გააგრძელებენ.

"ვაგრძელებთ ბრძოლას, ვაგრძელებთ ერთად ყოფნას და ეს ერთობა არის ყველაზე მძლავრი იარაღი იმისათვის, რომ მივაღწიოთ სამართალს ამ ქვეყანაში. მივაღწიოთ იმას, რომ გვყავდეს ისეთი პარლამენტი, რომელიც თქვენს ნებას აღასრულებს", — განაცხადა ჯაფარიძემ.

გაგიეთ მეტი მიმდინარე აქციაზე:

ამ წუთებში პარლამენტის წინ წარსულში ერთმანეთთან დაპირისპირებული ოპოზიციური პარტიები საერთო აქციას მართავენ და არჩევნების შედეგებს აპროტესტებენ.

ოპოზიციური პარტიები არჩევნების შედეგებს არ აღიარებენ და არალეგიტიმურად ცნობენ. ყველა ბარიერგადალახულმა პარტიამ უარი თქვა მეორე ტურში მონაწილეობასა და პარტლამენტის მანდატებზე.

არჩევნების შემდეგ, როცა ოპოზიციამ აქციები დაანონსა, სამთავრობო გუნდი და საკოორდინაციო საბჭოს წევრები უფრო მკაცრად აცხადებენ, რომ აქციები ვირუსის გავრცელების საფრთხეს შეიცავს და მოუწოდებენ მოქალაქეებსა და პოლიტიკურ ლიდერებს დაიცვან წესები.