დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ვიცე-პრემიერისა და ინფრასტრუქტურის მინისტრის, მაია ცქიტიშვილის თქმით, საავადმყოფოში ბევრი პაციენტია, რომელსაც ადგილზე დახმარების მიღება არ ესაჭიროება.

როგორც ცქიტიშვილმა საკოორდინაციო საბჭოს სხდომის შემდეგ განმარტა, საწოლფონდის ოპტიმალური გამოყენება, საშუალებას მისცემთ, რომ ბევრი ინფიცირების შემთხვევაში ნაკლები შეზღუდვები დააწესონ.

"დღეს ვიცით, რომ ძალიან ბევრი ის პაციენტი, რომელსაც არ სჭირდება სამედიცინო დახმარება უშუალოდ საავადმყოფოში, სამწუხაროდ, ბევრი ასეთი ადამიანი იმყოფება საავადმყოფოში. სამწუხაროდ, თავის გადაზღვევის მიზნით სურთ საავამდყოფოში ყოფნა, თუმცა ბევრად მეტი ადამიანი შეიძლება საჭიროებდეს ან მომავალში ესაჭიროება სამედიცინო დახმარება და ჩვენ უნდა გვქონდეს მათთვის საწოლფონდი მზად", — განაცხადა მაია ცქიტიშვილმა.

5 ნოემბერს საქართველოში კორონავირუსის მორიგი ანტირეკორდი 2 401 ახალი შემთხვევა გამოვლინდა, გამოჯანმრთელდა 2 289 პირი. გარდა ამისა, ვირუსით 20 ადამიანი გარდაიცვალა.

პანდემიის დაწყების დღიდან ქვეყანაში კორონავირუსის 49 218 შემთხვევა დაფიქსირდა, მათგან 33 459 გამოჯანმრთელდა, ხოლო 401 გარდაიცვალა.

უწყებათაშორის საკოორდინაციო საბჭოსთან არსებული ოპერაციული შტაბის უფროსის, ალექსანდრე ხოჯევანიშვილის თქმით, ამ ეტაპზე აქტიური ინფიცირებული შემთხვევა არის 15 332.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: