ონლაინ გამოცემა პუბლიკის ჟურნალისტს თავს დაესხნენ. ჟურნალისტისთვის საქმიანობაში ხელის შეშლისა და ნივთის დაზიანების ბრალდებით ერთი ადამიანია დააკავებული. ინფორმაცია On.ge-ის შინაგან საქმეთა სამინისტროში უდასტურებენ.

ჟურნალისტი 31 ოქტომბერს გლდანში არჩევნებს აშუქებდა. ჟურნალისტი, მინდია გაბაძე იღებდა მოქალაქეს, რომელიც იგინებოდა და აგრესიულად შეურაცხმყოფელი სიტყვებით მიმართავდა ჟურნალისტებს. პუბლიკაში ამბობენ, რომ ამ ყველაფრის გადაღების დროს აგრესიულად განწყობილმა პირმა მას ფეხი დაარტყა, რა დროსაც ტელეფონი დაზიანდა.

გამოძიება დაწყებულია სისხლის სამართლი კოდექსის 154 მუხლით, რაც ჟურნალისტისათვის პროფესიულ საქმიანობაში უკანონოდ ხელის შეშლას გულისხმობს და 187 მუხლით, რაც ნივთის დაზიანებას ან განადგურებას გულისხმობს.