ბათუმში კოვიდინფიცირებულმა მოქალაქემ ხმა მისცა, საარჩევნო უბანზე აცხადებენ, რომ ეს რეგისტრატორის შეცდომა იყო და ამისთვის შესაბამისი გაფრთხილება უკვე მიიღეს. აღნიშნული ინფორმაცია თავდაპირველად გამოცემა "ბათუმელებმა" გაავრცელა.

"ამომრჩევლის ნაკადი არის ძალიან დიდი და სანამ ყველაფერი გავარკვიეთ, შეცდომით ახალბედამ უცებ მოაწერინა ხელი. არ უთქვამს, რომ ინფიცირებული იყო. უცებ ვერ შეხედა რეგისტრატორმა და მერე მოტვინა, რაღაც ეწერაო და რომ შევამოწმეთ, რომ ეწერა სპეცსია. უკვე ყველაფერი დამთავრებული იყო მივიღეთ საყვედური, ახლა ჩვეულებრივ გაგრძელდა პროცესი", — განაცხადა კომისიის თავმჯდომარემ.

მისივე თქმით, მომხდარის შემდეგ უბანს დეზინფექცია ჩაუტარდა და პროცესი ჩვეულ რიტმში მიმდინარეობს.

2020 წლის საპარლამენტო არჩევნების შესახებ

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: