ერთიანი ნაციონალური მოძრაობის ლიდერის, ზაალ უდუმაშვილის განცხადებით ქუთაისის მე-12 საარჩევნო უბანზე კარუსელის ჩატარების მცდელობა იყო. უდუმაშვილის თქმით, სოფელ ჭანდარსა და რუსთავის მე-15 უბანზე კი ამომრჩევლებს მარკირებას არ უკეთებენ. მისივე თქმით, გლდანის 55-ე უბანში კომისიის წევრს კონვერტები აქვს გადამალული.

"კრწანისის მე-16 უბანზე პირმა, რომელმაც გადასატანი ყუთის საშუალებით მისცა ხმა, შემდეგ უკვე ჩვეულებრივ უბანზე გამოცხადდა და იქ ჰქონდა მცდელობა, რომ ხმა მიეცა. ასევე, მარნეული სოფელს თავზაქენდში მე-13 უბანი კომისიის თავმჯდომარე პოლიციის თანამშრომელს აბარებს ანგარიშს, თუ რა ვითარებაა ახლო უბნებზე და როგორ მიმდინარეობს იქ პროცესი", — ამბობს უდუმაშვილი.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: