მოსამართლე რევაზ ნადარაია იუსტიციის უმაღლესი საბჭოს ტოვებს. როგორც მან ფეისბუქზე დაწერა, იგი აპირებს, უზენაესი სასამართლოს მოსამართლეობის კანდიდატების შესარჩევ კონკურსში მიიღოს მონაწილეობა. კონკურსში მონაწილეობა კი ავტომატურად ნიშნავს ყველა ეტაპიდან მის ჩამოშორება.

"იმის გათვალისწინებით, რომ საკონკურსო პროცედურები მოითხოვს მეტად დიდ ძალისხმევას, ამავდროულად ასევე ვიხილავ საქმეებს, მიზანშეწონილად ჩავთვალე დავტოვო საქართველოს იუსტიციის უმაღლესი საბჭოს წევრის თანამდებობას", — აცხადებს მოსამართლე.

რევაზ ნადარაია 2016 წლიდან თბილისის საქალაქო სასამართლოს საგამოძიებო და წინასასამართლო სხდომის კოლეგიის თავმჯდომარეა. 2017 წელს საქართველოს მოსამართლეთა კონფერენციაზე იუსტიციის უმაღლესი საბჭოს წევრად აირჩიეს.

22 ოქტომბერს იუსტიციის უმაღლესი საბჭოს მდივნის თანამდებობა გიორგი მიქაუტაძემ დატოვა. ის უზენაესი სასამართლოს სამოქალაქო საქმეთა პალატის თავმჯდომარედ აირჩიეს.