დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

საგარეჯოში, თეთრიწყაროში, ახალციხეში, ლანჩხუთში და ქუთაისში დამატებით ცხელებიან პაციენტებს დამატებითი კლინიკები მოემსახურებიან. ჯანდაცვის მინისტრის, ეკატერინე ტიკარაძის განცხადებით, კლინიკების ჩამონათვალი, რომლებიც პაციენტებს მიიღებენ, დღეს დამტკიცდება.

"რეგიონულ ჭრილში დღეს უკვე იკვეთება კონკრეტულ რეგიონებში ინფიცირებულების რაოდენობა და იქ საწოლების მობილიზაციის საჭიროება ხდება. საერთო ჯამში 442 საწოლის მობილიზება მოხდება", — განაცხადა ტიკარაძემ მთავრობის ადმინისტრაციაში გამართული საკოორდინაციო საბჭოს სხდომის დასრულების შემდეგ.

23 ოქტომბრის მონაცემებით, საქართველოში კორონავირუსის 1 759 ახალი შემთხვევა გამოვლინდა. ამასთან 350 ადამიანი გამოჯანმრთელდა, ხოლო 5 გარდაიცვალა.

პანდემიის დაწყების დღიდან ქვეყანაში კორონავირუსის 24 562 შემთხვევა დაფიქსირდა. კარანტინის რეჟიმშია 4 408 ადამინია, სტაციონარში მეთვალყურეობის ქვეშ — 3 155, კოვიდ სასტუმროში იმყოფება 848 პირი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: