რუსეთის საელჩომ დიდ ბრიტანეთში, ამერიკის გადაწყვეტილებას, მისი დიპლომატების ქვეყნიდან გაძევების შესახებ, ტვიტერზე ე.წ. მემეს გამოქვეყნებით უპასუხა.

იხვის ჭუკის ფოტო, წარწერით LAME (ხეიბარი) რუსეთის საელჩომ დიდ ბრიტანეთში აშშ-ს დეპარტამენტის გადაწყვეტილებიდან რამდენიმე საათში გამოაქვეყნა:

"პრეზიდენტმა ობამამ 35 დიპლომატი გამოაძევა, რაც ცივი ომის "დეჟა ვუს" გვიქმნის. ყველა, მათ შორის ამერიკელი ხალხი, გახარებული იქნება, რომ ნახოს ამ უბადრუკი ადმინისტრაციის დასასრული".

ამერიკის შეერთებულმა შტატებმა, საპრეზიდენტო არჩევნებში სავარაუდო ჩარევისა და კიბერ-თავდასხმებთან შესაძლო კავშირის გამო, 35 რუსი დიპლომატი გამოაძევა. აშშ-ის სახელმწიფო დეპარტამენტმა ყველა მათგანი პერსონა ნონ-გრატად ხუთშაბათს გამოაცხადა.