ევროპული საქართველოს მაჟორიტარობის კანდიდატი ვაკისა და საბურთალოს ოლქში ელენე ხოშტრაიას თქმით, ეს არის ცეცხლთან თამაში და უკიდურესად საშიში პროცესი ქვეყნისათის. ხოშტარია მარნეულში მომხდარ ინციდენტს ეხმაურება.

"ცოტა ხნის წინ მარნეულში სამოქალაქო აქტივისტები და ჟურნალისტები ცემეს. ეს არის ცეცხლთან თამაში და უკიდურესად საშიში პროცესი ჩვენი ქვეყნისთვის. შეხვედრებზე მისული ადამიანებზე, კანდიდატებზე, აქტივისტებსა და ჟურნალისტებზე ფიზიკური ძალადობა უკვე ყოველდღიურობა გახდა. არც ერთ ჩვენგანს ამის არ ეშინია, პირიქით, ეს გვაძლიერებს და გვაერთიანებს, მაგრამ ეს არის საშიში ჩვენი ქვეყნისთვის. პოლიტიკური ბრძოლის ხაზი არ უნდა გადიოდეს ძალადობაზე, ერთმანეთის განადგურებაზე. ყველა ჩვენგანის პასუხისმგებლობა და ვალდებულებაა საქართველოს ისტორიაში ამ სამარცხვინო ფურცლის ერთხელ და სამუდამოდ დახურვა", — განაცხადა ელენე ხოშტარიამ.

ხოშტარიას თქმით, ქართულმა ოცნებამ არჩევნების წაგების შიშისა და სასოწარკვეთის ფონზე გადაწყვიტა, ყოველდიურად იძალადოს იმ ადამიანებზე, რომლებიც დისკომფორტს უქმნიან.